Казан иң тәмле ризыклары белән танылды

National Geographic интернет-сайты иң яхшы туристлык юнәлешләре буенча тавыш бирүне оештырган. «Россиянең гастрономия туризмы» номинациясендә беренчелекне, бик зур аерма белән, Татарстан алган. Республиканың сый-нигъмәтләре өчен 40 процент тавыш биргәннәр.

National Geographic Traveler Awards премиясе өчен тавыш бирү нәтиҗәләрен өйрәнгән ТурСтат агентлыгы мәгълүматлары буенча, икенче урында – Сахалин өлкәсе, ул 19 процент тавыш җыйган, өченчедә – Владимир өлкәсе, аңа 15 процент тавыш биргәннәр.