Укучылар дәрескә свитер һәм пуловер киеп килә алачак

Татарстанда мәктәп формасына таләпләрне яңарттылар. Хәзер салкын вакытта укучылар дәресләргә ачык төстә булмаган джемпер, свитер һәм пуловер киеп килә ала. Бу карарны республика Премьер-министры Алексей Песошин имзалады.

Моннан тыш, укучылар шакмаклы һәм буйлы киемнәр кия ала.

Укучылар киемнәренең фасоны һәм төсе хәзер мәгариф оешмасының норматив актлары буенча көйләнәчәк, диелгән карар текстында.

Чыганак: Татар-информ