#Кыскача яңалыклар 12 октябрь 2022, 08:42

Җырчы Ильмира Нәгыймова кияүгә чыга?

12 октябрь 2022, 08:42

Җырчы Ильмира Нәгыймова бүген иртән социаль челтәрдә бер кочак кызыл роза һәм йөзек белән төшкән фото куеп шаккаттырды.

Скопировать ссылку

“Менә бу борылыш! Никадәр көтелмәгән булуын күз алдына да китерә алмыйсыз”, - дип язган җырчы.

Ильмирага кияүгә чыгарга тәкъдим ясаганнармы? Дөресме бу, юкмы? Язылучылары арасында бәхет теләүчеләр дә, моңа ышанмыйча клип кына төшерәдер дип уйлаучылар да бар. Ә кемдер Ильмираны Марат Яруллин белән “кавыштырып” куйды. Кичә Марат шундый ук кызыл розалар белән төшкән видео урнаштырган иде.

Берәү исә “чын булса, бик әйбәт булыр иде дә, чираттагы клип кына шул” дип язган. Аңа җавап итеп Ильмира: “Клип кына булса иде дә... ялгышасыз”, - дип җавап биргән.

Сүз уңаеннан, бу атнада “Шәһри Казан. Язмыш” газетасында Ильмира Нәгыймова белән әңгәмә чыгачак. Җырчы белән шәхси тормышы турында да сөйләштек.

Кызыклы яңалыкларны күзәтеп бару өчен Т елеграмга кушылыгыз.