Үз күзеңә үзең ышанмассың: Татарстанда «пилотсыз такси»лар җилдерә (ВИДЕО)
Россия Хөкүмәте Рәисе урынбасары Максим Акимов Казанга килде. Ул Иннополис Универистетының "Цифрлы икътисад" программасы кысаларындагы проектлары белән танышты.
Россия Хөкүмәте Рәисе урынбасары Максим Акимов Казанга килде. Ул Иннополис Универистетының "Цифрлы икътисад" программасы кысаларындагы проектлары белән танышты.
Россия вице-премьерын Рөстәм Миңнеханов һәм Татарстан Премьер-министры урынбасары - мәгълүматлаштыру һәм элемтә министры Роман Шәйхетдинов озата йөрделәр.
Алар бүген пилотсыз таксины да сынап карадылар. Әлеге мизгелдән видеоны Рөстәм Миңнеханов инстаграмга куйган. Комментарийлардан күренгәнчә, халык моңа бик гаҗәпләнгән: кемдер сокланган, кемдер шикләнүен белдергән. Берәү исә: "Цивилизация, прогресс. Җәяүлеләргә куркныч, машина килә, ә йөртүчесе юк. Җәяүлеләрнең берсе юл аркылы чыккач, борылып озак кына карап торды, үз күзләренә үзе ышанмады бугай! ??? бераз куркыта! - дигән.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар