#Кыскача яңалыклар 13 сентября 2019, 11:24

“Зөләйха күзләрен ача” сериалына музыканы кем язган?

13 сентября 2019, 11:24

Тиздән экраннарга чыгачак “Зөләйха күзләрен ача” сериалына көйне танылган яшь композитор Эльмир Низамов язган.

Скопировать ссылку

- Әлегә мин соңгы нәтиҗәне күрмәдем, әмма режиссер миңа юллаган материалда яңгыраган көйне Эльмир Низамов язганын, ә бәлки әле хәзер дә язуын дәвам итәдер, беләм, - диде роман авторы Гүзәл Яхина.

Сериалның каралама варианты инде әзер. Әмма әле тулысынча эшкәртелеп бетмәгән. Ул 8 өлештән торачак. Һәр серия 52 минутлы.

Баш рольләрдә Чулпан Хамматова һәм Рамил Сабитов уйный. Шулай ук экранда, икенче планда һәм массовкаларда булса да, татар театрлары артистларын күрергә мөмкин булачак.