Дөньякүләм йолдызлар артыннан: Ришат Төхвәтуллин үзенең концертында йоклап киткән тамашачыны уяткан

Татар эстрадасының иң популяр җырчыларыннан берсе Ришат Төхфәтуллин концертында кызык хәл булган. Казанда тамашачыларның берсе аның концерты вакытында ук йокыга киткән. Ришат Төхфәтуллин бер дә уңайсызланмаган, йокыга талган егет янына утырган да «Мәтәүтамак» җырын җырлавын дәвам иткән.

- Бүген концертта бер кызык очрак булды. Дуслары йоклап яткан малайны дәрестән алып килеп залга утырткан. Ул бөтен концертны йоклап чыкты, тик ахырда гына мин аны уяттым. Менә бу музыкага тугрылык, - дип язган артист, бу очракны видеосын социаль челтәрләргә урнаштырган.

Бу тамашачыларның йолдызлар концертлары вакытында йоклап китүенең беренче очрагы түгел. Мондый хәл хәтта 2023 елда рэпер Дрейкның концертында да булган — ул вакытта артист беренче рәт янына килгән һәм җанатарын уяту өчен кычкырып җырлый башлый. Охшаш очрак стендап-комик Кирилл Мазур концертында булган. Артист, йоклап яткан кеше янына ук килеп утырып, тамашачыны уяткан һәм бу хәл турында шаяртуын дәвам иткән.