Халыкара хатын-кызлар көне алдыннан Азнакай районы ЗАГСында бала көтүче булачак әниләр белән тантаналы очрашу узды.
Халыкара хатын-кызлар көне алдыннан Азнакай районы ЗАГСында бала көтүче булачак әниләр белән тантаналы очрашу узды. ТатарстанРеспубликасы Рәисе Гранты кысаларында уздырылган бу чарада Азнакай районыбашлыгы Марсель Шәйдуллин исеменнән булачак әниләрне башкарма комитетның социаль мәсьәләләр буенча урынбасары Дамир Гыйләҗев котлады.
Ул ана булуның никадәр зур дәрәҗә икәнлеген һәм гаилә кыйммәтләренең кадере хакында да сөйләп узды. Хатын-кызларыбызга йөклелек чорында төрле яклап ярдәм оештырылуы хакында да искәртте. Булачак әниләр өчен махсус мастер-класс та оештырылган иде. Алар балавыздан шәмнәр ясадылар. Әлеге шәмнәргә умарта кәрәзләре сурәтен дә төшерделәр.
Бу шәмнәр гаилә учагы символы буларак, яшь әниләргә тормыш кадере, балалар тәрбиясенең әһәмиятен искә төшереп торыр. Татарстан ЗАГС лары оештырган башка кызыклы чаралар хакында сез Татарстан Республикасы Министрлар Кабинетының ЗАГС идарәсенең Вконтактедагы рәсми төркеменнән укый аласыз: https://vk.com/club122542774
Айсылу Имамиева
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар