Гриппка бирешмәгез!

Илдә миллионнан артык кешенең бүгенге көндә дә грипп белән авыруы теркәлгән. Роспотребнадзорда хәбәр итүләренчә, Россия киңлекләрендә В һәм А риппы (H1N1) гриппы өстенлек алган. А гриппы бик авыр кичерелә, бигерәк тә балалар белән өлкәннәр өчен кыен. Өстәвенә контагиозлы, ягъни артык тиз йогышлы да икән. Соңгы көннәрдә генә Россиядә 462 мәктәп, 162 балалар бакчасы крантинга ябылган. Гриппның активлашуын һава торышына бәйләп аңлаталар. Организмның авыруларга каршы торучанлыгын арттыру, гриппка бирешмәүчәнлеген ныгыту өчен А, Д, С витаминнары эчәргә киңәш ителә. Туклану рационы да файдалы ризыклардан торырга тиеш. Күбрәк саф һавада йөрергә, күңелсезләнмәскә, борчылмаска кирәк.