Яз килде: Татарстанга беренче каргалар кайткан

Аларны Әгерҗе, Актаныш, Әлки, Чүпрәле, Кама Тамагы, Минзәлә, Сарман районнарында һәм Казанда күргәннәр дә инде. Кошлар бөтенесе дә очып килми әле: башта ата кошлар, аннары гына ана кошлар. Күп дистә еллар дәвамында алар бер үк урыннарда яшиләр. Очып килгәч тә, беренче ике-өч атнада алар аеруча шау-шулы – үзара оя бүлешәләр. Кызыклы факт: каргалар гомерлеккә парлаша. Өченче елда гына гаилә коралар, узган сезонда дөньяга килгән яшь кошлар яңа туган кош балаларын карарга ярдәм итә.