Пенсионерларга тагын бер сөенечле хәбәр: пенсияләр кайчан һәм кемнәргә артачак?

Россия Социаль фонды 2027 елда дәүләт тәэминаты буенча пенсияләрне индексацияләү планнары турында хәбәр итте.

Ведомство мәгълүматларына караганда, пенсияләрне арттыру 2027 елның 1 апреленнән гамәлгә керәчәк. Индексация социаль пенсия алучыларга, радиация тәэсиреннән зыян күргән гражданнарга, кайбер хәрбиләргә һәм башка категория гражданнарга кагылачак.

Социаль фондта билгеләп үтүләренчә, киләсе елда дәүләт тәэминаты буенча пенсияләрне индексацияләү тәртибе сакланачак.

Әлеге түләүләрне арттыру 2027–2029 елларга Социаль фонд бюджеты проектында каралган.

Исегезгә төшерәбез, 2027 елда иминият пенсияләрен дә ике этапта индексацияләү планлаштырыла. Беренче арттыру 1 февральдән 6,8 процентка, икенчесе 1 апрельдән 3,3 процентка булыр дип көтелә.

Шулай итеп, 2027 елда пенсияләрнең берничә төре буенча түләүләрне арттыру каралган.