16+

Россиядә ир-атлар киемне һәм аяк киемен ешрак сатып ала башлаган

Ир-атлар гардеробын яңартырга акча кызганмый: алар кием-салымны элеккеге кебек кирәк булганда гына түгел, ә теләк белән дә сатып ала.

Ир-атлар гардеробын яңартырга акча кызганмый: алар кием-салымны элеккеге кебек кирәк булганда гына түгел, ә теләк белән дә сатып ала.

Соңгы мәгълүматлар Россиядә ир-атларның модага карашы үзгәрүен күрсәтә.

Россиядә ир-атлар кием һәм аяк киеме сатып алуга активрак керешкән. Эре онлайн-платформа мәгълүматларына караганда, ир-атлар сегменты мода базарының үсеш юнәлешләренең берсенә әверелгән. Ир-атлар ешрак заказ бирә, күбрәк акча тота һәм гардеробын төрләндерә.

2026 елның беренче яртыеллыгында платформада ир-атлар ассортименты сатулары узган елның шул ук чоры белән чагыштырганда 7 процентка арткан. Заказлар саны 4 процентка, ә ир-ат сатып алучылар саны 7 процентка күбәйгән. Ир-атлар ясаган заказларның гомуми саны исә 9 процентка үскән.

Компания аналитиклары тагын бер кызыклы үзгәрешкә игътибар иткән: ир-атлар маркетплейска бер тапкыр гына кереп чыкмый, ә даими сатып алучыга әверелә. Беренче яртыеллыкта ике заказ ясаган сатып алучылар арасында ир-атлар өлеше 51 процент тәшкил иткән. Өч һәм аннан күбрәк заказ бирүчеләр арасында да ир-атлар алда - 31 процент. Дүрттән артык заказ ясаганнар арасында аларның өлеше 21 процентка җиткән.

Иң мөһиме - ир-атлар үзләре өчен сатып ала. Ягъни аларның маркетплейстагы активлыгы бүләк эзләү яки гаилә өчен кием алу белән генә бәйле түгел.

Нинди киемгә ихтыяҗ зур?

Lamoda мәгълүматларына караганда, ир-атлар арасында Premium һәм «Спорт» категорияләре аеруча популяр.

Premium сегменты ир-атлар сатуларының 18 процентын тәшкил итә. Бу юнәлештә керем якынча 15 процентка арткан. Аеруча өс киемнәренә һәм чалбарларга ихтыяҗ үсә.

«Спорт» категориясе исә ир-атлар сатуларының 29 процентын били. Әлеге юнәлештә үсеш 8 процент тәшкил иткән.

Платформаның сатып алулар һәм үз брендларын үстерү департаменты директоры Ирина Максимова билгеләп үткәнчә, элек ир-атлар киемне күбесенчә кирәк булганда гына сатып алса, хәзер хәл үзгәрә. Мода сегментына кергән ир-атларның күбесе тиз арада даими клиентка әверелә.

Димәк, ир-атлар өчен кием-салым хәзер көндәлек ихтыяҗны каплау чарасы гына түгел. Гардеробны яңарту, стильне үзгәртү һәм үз-үзеңне күрсәтү дә сатып алуның мөһим сәбәпләренә әйләнә бара.

магазин. фото ти

Кызыклы яңалыкларны күзәтеп бару өчен безнең МАХ каналына кушылыгыз. 

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading