Россиялеләр ике ай эчендә 3 млрд сумлык депрессиягә каршы дарулар сатып алган

Аналитиклар фаразлавынча, сатулар алга таба үсәчәк кенә.

Даруханә челтәрләре 2025 елның гыйнвар-февраль айларында антидепрессантлар сатудан 2,8 млрд сум акча эшләгән, барлыгы 3,2 млн дару төргәкләре сатылган. Бу соңгы биш ел эчендә максималь күрсәткеч, ди белгечләр. 

Антидепрессантлар сатуның агымдагы дәрәҗәсе соңгы биш елда иң югары күрсәткеч булып санала. Бу үсешне әлеге тармак галимнәре гражданнарның үзләренең психик сәламәтлегенә игътибарлары арту һәм депрессиянең беренче билгеләре булганда белгечләргә актив мөрәҗәгать итү белән бәйли. Россиялеләрнең күбесе үзләренең хисси халәтенә җаваплырак карый башлаган, кирәк булганда медицина ярдәме сорап ачыктан-ачык мөрәҗәгать итүләр арта бара.