Казанга поезд килә - “Китап поезды”

Башкалабыз кунакларны хөрмәт итә белә. Бу юлы да иртәнге тугызда ук вокзалда Суворов училищесы тынлы оркестры белән каршы алырга әзерләнеп торалар. Казанга кадәр таналган каләм ияләре: Олег Рой, Сергей Переслегин, Илья Бояшов, Ася Лавринович Минскида, Түбән Новород, Ульяновск калаларында булып, кызыклы очрашулар, түгәрәк өстәлләр уздырырга өлгергән булалар инде. Казанда да җиде мәйданда зур эш көтә аларны. Татарстан Республикасы милли китапханәсе, “Адымнар”мәктәбе, Казан дәүләт университеты, Пушкин исемендәге мәдәният үзәге, Татарстан язучылар берлегендә әдәби чаралар оештырылачак. Шуның иң саллысы сәгать 10да Татарстан милли китапханәсендә булачак.

Бу пленар утырышка Татарстан премьер-министры урынбасары.Ләйлә Фазлыева, ТР Мәдәният министры Ирада Әюпова, Татарстан Язучылар берлеге рәисе Ркаил Зәйдулла, “Россиянең китап маяклары” фестиваль хәрәкәте президенты Денис Котов, Татарстан китап нәшрияты директоры Илдар Сәгъдәтшин, әдәби тәнкыйтьче һәм публицист Сергей Переслягин булыр дип көтелә. Алар бергәләп китапка мәхәббәтне арттыру, укучыны китап белән якынайту хакында сөйләшәчәкләр. 

Нәни укучылар. 1-4 сйныфлар алдында танылган балалар язучылары: Дмитрий Емец, Валентин Постников, Александр Калинин, Ольга Шуравина чыгыш ясаячак. Алар белән бергә мастер-класслар да булачак. Югары сыйныфларга Ася Лавинович мәхәббәт серләрен ачарга тырышачак. Болар барысы да “Адымнар” мәктәбендә узачак. Василий Аксенов музей–йортында җирле язучылар белән шигъри очрашу да кызыклы һәм файдалы булыр дип көтелә. 

17 март менә шундый озын - озак көн булачак. Һәм ул тулысынча әдәбиятка, аның һәр сәгате - минуты замана укучысын мәңгелек хәзинә - китапны яратырга, аның белән дуслашырга өйрәтер дип өметләнә  оештыручылар. Бүген “Татар-информ” мәгълүмат агентлыгындагы матбугат конференциясендә шушы китап поезды турында сөйләшү булды. Анда “Татмедиа” Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев, Татарстан Республикасы Милли китапханә директоры Мәдинә Тимерҗанова һәм Татарстан Мәдәният министрының беренче урынбасары Юлия Әдгамова катнашты. Спикерларның зур дәрәҗәле булулары бу чараның бик җитдилегенә, зарурлыгына ишарә. 

Моннан ике ел элек 2023 елның 6 маенда бер тапкыр килгән иде инде “Китап поезды”. Ул чакта алар белән очрашуга шәһәр балалар китапханәсенә мине дә шагыйрә буларак чакырганнар иде. Истә калырлык булган иде ул. Быелгысына да уңышлар юлдаш булсын, Россия язучылары күңелендә Казаныбыз иң матур, иң китаплы кала булып истә калсын. 
“Китап поезды” герой шәһәр Волгоградка кадәр барачак.