16+

Батырлар билгеле. "Әдәби Сабантуй"да кемнәр җиңде?

"Әдәби марафон". Бу сүз китап яратучыларга бик таныш. Менә 2017 елдан башлап, ел саен берничә тапкыр үткәрелә ул. Анда катнашу өчен 21 көн буена татар телендә китаплар укырга һәм өзекләрен интернетка куеп барырга кирәк. Берничә дистә китап сөюче белән генә башланган әлеге белем бәйгесе соңгы тапкыр 2704 кешене берләштергән.

Батырлар билгеле. "Әдәби Сабантуй"да кемнәр җиңде?

"Әдәби марафон". Бу сүз китап яратучыларга бик таныш. Менә 2017 елдан башлап, ел саен берничә тапкыр үткәрелә ул. Анда катнашу өчен 21 көн буена татар телендә китаплар укырга һәм өзекләрен интернетка куеп барырга кирәк. Берничә дистә китап сөюче белән генә башланган әлеге белем бәйгесе соңгы тапкыр 2704 кешене берләштергән.

Ә инде 27 август көнне Арча шәһәре үзәк стадионында үткән чын әдәби Сабантуй  булды. Ул Татарстан Республикасында  Туган телләр һәм халыклар дуслыгы елы һәм Габдулла Тукайның  тууына 135  ел уңаеннан, Татнетны үстерү фонды, Татарстан Язучылар берлеге  тарафыннан, Татарстан  Республикасы  Президенты каршындагы  татар телен саклау  һәм үстерү  мәсьәләләре комиссиясе, республикабыз министрлыклары ярдәме белән  уздырылды.

Сабантуй булгач, сөлгеләр җилфердәми калмый. Ерак һәм якыннардан килгән кунакларны  капка  төбендә үк чәк-чәк белән дә  каршы алдылар.  Әдәби Сабантуйга   "Авылым гүзәллеге", агымдагы елның  гыйнвар һәм апрель  аенда үткәрелгән әдәби марафон, "Сәламәт иртә"  финалистлары да чакырылган иде. Беркемдә дә "Нигә Арча?" - дигән сорау тумады. Казан артының бу төбәге чын мәгънәсендә каләм ияләре "инкубаторы". 70тән артык мәгърифәтче,  50дән артык язучы туып-үскән башка район юктыр республикабызда.

"Әдәби марафон" бүген халыкара күләмдә уза.  Бельгия, Төркия, Австралия, Германиядәге милләттәшләребез дә бик теләп катнаша. Ә иң күп санлы марафончылар менә инде берничә ел рәттән-Сабада.

Сабан-туеның төп ярышы - "Әдәби  көрәш". Ул бер атна дәвамында  онлайн-форматта үткәрелеп, 24 кеше финалга чыккан. Сабан-туе сәхнәсендә алар үз осталыкларын күрсәтте.  Язучылардан торган жюри  аларны гадел бәяләде. Беренче - Әлмәттән Сиринә Мифтахова, икенче урында - Кама Тамагыннан Нурзанә Хөсәенова, өченчедә - Балык Бистәсе районынан Зәлинә.  Аларны Татарстан Язучылар берлеге рәисе Ркаил Зәйдулла игълан итте.

Шулай ук мәйданда чүлмәк вату, капчык киеп йөгерү кебек милли уеннар да уйналды, җыр-бию дә туктап тормады, теләгән һәркем осталыгын күрсәтте. "Әдәби марафон" проектының  идея авторы һәм  җитәкчесе Раил Гатауллинга  зур рәхмәт әйтеп, юлга кузгалдык.

"Әдәби Сабантуе"ның җиңүчесе булса да, җиңелүчеләре булмады. Китап укырга яратучыларның олысы-кечесе  язучылар белән рәхәтләнеп фотога төште. Ә инде, төп җиңүче,  билгеле, галиҗанәп  татар китабы һәм  меңъеллык милли әдәбиятыбыз булды дип горурланып һәм сөенеп әйтә алабыз.

Ничек кенә тырышсак та, без "Әдәби Сабан-туе"ның  бүгенге ямен-гамен һәм тәмен  сөйләп бетерә алмабыз. Аны үз күзләрең белән күрү кирәк. Ә моның өчен "Әдәби марафон"ның чираттагысында тырышып катнашу сорала. Оештыручылар мондый бәйрәмнәр тагын булыр дип күңелне өметләндерде. 

Язмага реакция белдерегез

6

0

0

0

0

Реакция язылган инде

Комментарийлар

  • аватар Без имени

    0

    0

    бик барасы, күрәсе килгән иде дә бит, эштән китәргә мөмкинлек булмады.

    Мөһим

    loading