БДИ буенча соравыңа җавап ал

«Кайнар элемтә» телефоны буенча укучылар, аларның ата-аналары, укытучылар Рособрнадзор белгечләренә БДИ процедурасына, оештыруга кагылышлы һәм башка төрле сораулар бирә алачак. Моннан кала, имтиханда кагыйдә бозу очраклары турында да җиткерергә мөмкин булачак.

Сорауларны дүшәмбе һәм җомга көннәрендә иртәнге сәгать 9.00 дан кичке 17.00 сәгатькә кадәр +7 (495) 984-89-19 номеры аша җиткерергә мөмкин.

БДИның рәсми сайтында «Файдалы мәгълүмат» бүлегендә регионнарның телефон номерларын табып була. Әйтик, Татарстан өчен 8 (843) 294-95-62 номеры эшли. Моннан кала, сорауларны БДИ порталы форумында яисә Рособрнадзорның социаль челтәрләрдәге битенә биреп була.

Шулай ук гражданнар, кагыйдә бозу очракларын табалар икән, ege@obrnadzor.gov.ru адресына да язып җибәрә алалар.

^{Фото: www.edu.cap.ru}