Шәһри Казан

Рөстәм Миңнеханов: «Белгечләр безнең вакцинаның иң уңышлы, иң нәтиҗәле булуын раслый»

Галимнәр һәм тикшеренүчеләр раслаганча, коронавирустан Россия вакцинасы — бүгенге көндә эшләнгән барлык вакциналар арасында иң нәтиҗәле һәм уңышлысы. Татарстанда коронавируска каршы вакцинация тискәре нәтиҗәләрсез уза. Бүген бу хакта Татарстан Республикасы Президенты Рөстәм Миңнеханов IV чакырылыш Чаллы шәһәр Советының бишенче утырышында әйтте.

«Белгечләр безнең вакцинаның иң уңышлы, иң нәтиҗәле булуын раслый. Мин рәсми рәвештә вакцина алган кешеләрдә нинди дә булса тайпылышлар, проблемалар юк дип ышандыра алам. Безнең сәламәтлек саклау системасы эшендә мондый очракларны без әлегә күрмибез», - дип искәртте Миңнеханов.

Реклама

 

Татарстанда «Спутник V» препараты белән Covid-19дан күпләп вакцинация уза. ТР Президенты республиканың 1,5 млн кешесенә вакцина ясау бурычын куйды. Бүгенге көндә коронавирустан 48 мең 204 татарстанлы прививка ясаткан.

Казанда шәһәрнең барлык амбулаторияләрендә яңа коронавирус инфекциясеннән прививка ясатырга мөмкин. Шулай ук Covid-19дан «Мега» сәүдә үзәгендә вакцина ясатып була. 
http://tatar-inform.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: