Алинә Даутова визажистлыкка укый

- Балалар ижат йортында балаларны вокал серләренә өйрәтәм, - диде Алинә, - Хисап концертыбыз да гөрләп үтте, Аллага шөкер. Үзем өчен яңа өлкә ачтым: визажист һөнәрен үзләштерә башладым. Уку вакыты бик кыска: дүрт кенә көн укыйсы. Дөрес, бер дәрес өч сәгатькә сузыла. Ике көн укыдык инде, тагын ике дәрес калды. Әмма вакыт шуның кадәр тиз үтә, дәрестән чыгасы да килми. Матур макияж мине һәрвакыт кызыксындырды, шуңа күрә үзем дә укырга булдым.