Шәһри Казан

Данир Сабиров: "Төркемемнең дә, йортымның да финанс директоры – хатын"

Ир-атларны "биетә" торган бәйрәм дә якынлаша. Алар сөйгәннәренә нинди бүләк әзерлиләр икән? 8 март көнне икенче ярларын ничек шаккатырмакчы булалар? Шул турыда Данир Сабировтан сораштык.

- Бәйрәм алдыннан хатынымны бераз мактап алыйм. Миләүшәм - төркемнең директоры, минем уң кулым, сул кулым, башым-аягым, аннан башка минем бер эшем дә бармый. Мәктәпне - медальгә, университны кызыл дипломга тәмамлаган хатыным бухгалтерияне, бөтен оештыру эшләрен алып бара. Ул икенче бала белән декретта утырганда, аңардан башка гына концерт куеп карадым, әмма керем шактый кимеде, чыгымнар артты. Кыскасы, эшнең рәте китте. Үзем акча санауга оста түгел, минем урын - сәхнәдә.
Миләүшә әле төркемнең пешекчесе дә. Безне ашату тулысынча аның өстендә. Авыл-районнарда кафелар бик юк, концерт куеп, ач йөри идек. Хәзер рәхәт - ике мультиваркабыз бар. Гримеркада ашарга пешерүне моңынчы күз алдына да китерә алмый идем, ул бик уңайлы, кафеда ашаганга караганда да җайлырак булып чыкты. Хәзер режимыбыз да бар. Һәр иртә бөтен төркем әгъзалары ботка ашый. Берәр нинди сәбәп чыгып, хатын безнең белән гастрольләргә чыга алмаса - борчуга төшәбез, ач калабыз.
Кыскасы, төркемемнең дә, йортымның да финанс директоры - хатын. Акча белән бәйле барлык мәсьәләләрне дә ул чишә. Акча аңарда булгач, бүләкне дә үзенә үзе ала. Шуны-шуны алыйм әле, дип кенә сорый миннән. Ə Мәрьям белән Данияга күпчелек очракта кием алабыз, кызлар инде, кызлар инде - матур төсләрдәге ялтыр-йолтыр әйберләргә исләре китә.
Бәйрәм көнне әнине, әбине (хатынның әнисе) һәм әбинең әнисен дә котлыйм. Аларның һәркайсына мин рәхмәтлемен. Әниемә миңа тормыш бүләк иткән өчен, әбиләремә - Миләүшәм һәм без гастрольләрдә булганда балаларны карап торганнары өчен. Сәламәт кенә булсыннар!

Реклама
Нравится
Поделиться:
Реклама
Комментарии (0)
Реклама
  • 25 май 2018 - 11:50
    Гүзәл Уразова мәктәп елларын искә төшерде
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
Соңгы комментарийлар
Интервью
  • 25 май 2018 - 17:35
    Сүзләр йөри Дөнья күктән, җирдән һәм сүздән тора. Ә, тагын кешеләр бар икән әле. Аларның берише күккә битен күрсәтә, берише – бүтән җирен. Ә сүзне барысы да сөйли. Белсә дә, белмәсә дә, күрсә дә, күрмәсә дә... Телнең кыйбласы юк.
    171
    0
    0
  • 19 май 2018 - 12:20
    Нәрсәгә тотынса – шуны булдыра Гаиләне учак белән тиңлибез, чөнки учак янына җылынырга җыелган кебек, гаиләдәге һәр кеше үз гаиләсенә сыена: шатлыгын бүлешә, кайгысын уртаклаша. Гаилә никадәр нык булса, аннан килгән җылылык та шулкадәр көчлерәк була. Гаиләнең терәге – ир-ат, әти кеше. Ә ана кеше үзенең бөтен булган күңел байлыгын, матурлыгын үз балаларына бирә.
    591
    0
    6
  • 19 май 2018 - 11:47
    Камыр эчендә гөмбә шашлыгы пешерү ЫСУЛЫ 250 гр шампиньон, 200 гр сыр, 250 гр чүпрәсез катлы камыр (кибеттә сатыла торган), 1 йомырка, тоз, борыч, үсемлек мае
    524
    0
    2
  • 19 май 2018 - 10:48
    Җилдерәчәкбез! Татарстанда барлыгы 3076 торак пункт исәпләнә, шуларның 559ында асфальт юллар әле һаман да юк. Быел 28 торак пункт арасында яңа юл салыначак. Аның гомуми озынлыгы – 69,4 км.
    359
    0
    0
  • 19 май 2018 - 10:20
    Киләчәк – роботлар кулында? Яки Казан мәгълүмати технологияләр һәм элемтә техникумы студентлары ничек имтихан тапшыра Республика WorldSkills эшче һөнәрләр чемпионатында актив катнаша башлаганнан соң, техникум, көллият укучыларына таләпләр тагын да артты. Ә хәзер студентлар чыгарылыш дәүләт имтиханнарын да WorldSkills стандартлары буенча күрсәтмә имтиханы буларак тапшыра башлаячак. Казан мәгълүмати технологияләр һәм элемтә техникумына имтихан тәртибен өйрәнү өчен Кытай, Иран, Һиндстан вәкилләре дә килгән.
    194
    0
    0
Ночной режим