Элвин Грейны Чаллыда «ОМОН» кулга алган (ВИДЕО)

Әле яңарак гына Elvin Grey һәм Кукмара район мәдәният йорты директоры белән чыккан гаугадан соң, Чаллыда соңгы сигезенче концертларын биреп яткан вакытта, башкаручы тагын стресс кичерә. Радик өчен ул да көтмәгән вакыйга була.

"Концерт биреп кергәч, чәй генә эчәргә утырган идек, "ОМОН"нар килеп керделәр. видео Безне идәнгә яткырып, зур автоматлары белән селкенмичә ятарга куштылар. Без шок хәлендә. Чын мылтыклар, кара киемнәрдә битләрен каплаган "ОМОН"нар булып тоела безгә. Берсе тагын шушындый-шушындый маддә буенча гаепләнәсез дип, нигә кулга алуларын сөйли. Кукмарадагы хәлләрдән соң, мин барысын да көттем. Шуңа бу юлы да уен икәнен аңламадым. Ә ул дусларның уйлап тапкан шаяртуы булып чыкты. Артистларны һәм сакчыларны алдан ук кисәтеп куйган алар, без Артем белән белмичә калганбыз", ди Elvin Grey үзенең социаль челтәр битендә.



^{"Татар-тодай"}