Гүзәлия "вирус"лы җыр иҗат иткән!

“Бу җыр шулкадәр халык күңеленә керде ки, ватсап белән директ смс-хәбәрләр белән тулды. Барысы да рәхмәт сүзләре белдереп яза. Җыр вирус кебек социаль челтәрдә таралды, бик күп язмышка аваздаш булып чыкты. Мондый игътибар көтмәгән идем, күңелгә рәхәт”, - ди Гүзәлия.

Аның әйтүенчә, җырны хәтта ир-егетләр дә тыңлый икән. “Бер танышымның ире “бу җыр безгә туры килә бит” дип хатынына тыңлаткан. “Рәхмәт, Ходай” җырына чынбарлыкка нигезләнгән берничә сюжет буенча клип төшерергә телим. Үзенчәлекле язмышлы хатын-кызларны эзлим”, - диде Гүзәлия.

“Рәхмәт, Ходай” җырына килгән кайбер фикерләр: “Гүзәлия! Бу хатын-кызлар өчен гимнга - тормыш җырына әйләнеп бара”, “Рәхәтлек җанга иңә торган җыр”, “Сиңа килешә бу җыр, әйтерсең лә, синең балаң бар”, “Уйландырып, елатып, канат куеп җибәрә торган җыр”, “Сез бүген миңа яшәргә көч бирдегез”, “Бу җырны бөтен кеше яттан белергә, көн дә җырларга тиеш” һ.б.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Гузелия (@guzelyi)