Ильмира Нәгыймова күңелле яңалык җиткерде

-  Сентябрь аенда Руслан белән икәү концертлар белән чыгабыз, Аллаһы боерса. Баштарак Руслан сәхнәдән китәм дип әйткәч, үземә урын таба алмадым. Үзем генә җырлыйм, концертлар куям алайса, дидем. Ул шатланды гына. Әмма дә ләкин бу яман чир аркасында мин дә тукталдым. Бик күп уйладым. 100 тапкыр Руслан белән сөйләштем. Һәм, ниһаять, без аның белән шундый фикергә килдек. Иң мөһиме – исән, сау-сәламәт булыгыз, чирләмәгез. Сезне үзебезнең концертларда көтеп калабыз, Аллаһы боерса. Дөньялар гына тыныч булсын. Ә әлегә без бик каты әзерләнәбез. Яңа программа өстендә эшлибез. Тиздән яңа җырлар, яңа дуэтлар көтелә. Безнең белән булыгыз”, - дип язган Ильмира Нәгыймова Инстаграмдагы сәхифәсендә.