Шәһри Казан

Ләйлә Дәүләтова: «Гүзәл затлар иркәләнеп, сөелеп яшәргә тиеш»

Россиялеләрнең яртысы, ир-атларга караганда, хатын-­кызларга яшәү авыррак, дип саный. «Җәмәгатьчелек фикере» фонды илнең 53 төбәгендә 104 торак пункт­та 1500 респондент арасында сораштыру үткәргән. Россия­дә ир-атларга яшәү авыррак дип белдерүчеләр 9 процент кына булган.

Реклама

Респондентларның 35 проценты «Россиядә хатын-кызларга һәм ир-атларга яшәү авырлыгы бертигез» дигән фикердә. Ә 48 проценты «хатын-кызларга яшәү авыррак» дигән фикердә тора. Алар моны өй мәшәкатьләре һәм балалар тәрбияләү хатын-кыз җилкәсенә күбрәк төшүе (18 процент), гаилә өчен җаваплылык булуы (9 процент), эш табу кыенлыгы (7 процент) белән аңлата. Сүз уңаеннан, Татарстан Президенты Рөстәм Миңнеханов «Метроэлектротранс» коллективы хатын-кызлары белән очрашуда: «Эштән кала, сезнең башка мәшәкатьләрегез, гаилә, ирләрегез, балаларыгыз бар, әмма сез барысына да өлгерәсез. Минемчә, кайдадыр нәрсәдер килеп чыкмый икән, бу эшне хатын-кызга тапшырырга кирәк. Әгәр дә ул да булдыра алмаса, димәк, бу эшләрлек эш түгел», - дигән иде.

Ләйлә Дәүләтова, шагыйрә:
- Миңа калса, ир-ат булу авыррак. Аның өстендә акча эшләү, гаиләне матди яктан тәэмин итү бурычы тора. Гаиләсе өчен ул - җаваплы кеше. Ә хатын-кыз өстендә - өй эшләре, бала тәрбияләү. Бу - күпкә рәхәтрәк, кызыграк вазифа. Шуны тоеп яшәгән хатын-кыз бәхетле дә инде. Күп кенә хатын-кызлар карьера артыннан куа, ирләренә баш булырга омтыла, менә шундыйлар аннары, хатын-кызга авыр­рак, дип зарлана. Гүзәл затлар иркәләнеп, сөелеп яшәргә тиеш ләбаса.

Камил Кәримов, язучы:
- Безнең илдә хатын-кызга яшәү чынлап та авыррак. Бу беренче чиратта эш табуда чагыла. Алар бөтен җиргә дә эшкә урнаша алмый. Кыскартылуга эләккән кешеләр арасында эш таба алмыйча интегүчеләр, нигездә, хатын-кызлар. Ир-атлар ачка үлмәс өчен, гаиләсен акчасыз калдырмас өчен, теләсә кая эшкә урнаша ала. Физик чыдамлылык таләп ителгән эштә, хатын-кызлар никадәр сабыр, түзем булса да, ирләр генә эшли ала.

Илдар Кыямов, «ТНВ» алып баручысы:
- Бу дөньяда беркемгә дә яшәү җиңел түгел. Статистика буенча бездә хатын-кызлар ир-атлардан күбрәк. Бер иргә ун хатын-кыз туры килә, диләр. Шаккаткыч: чибәр, мөлаем кызлар күп, ә ирләре юк. Андыйлар дөньяны үзләре генә алып бара, машинасын да йөртә, күп акчалы эшкә дә урнаша. Ялгызлары бала да үстерә. Көне-төне чабалар, дөнья куалар. Ничек итеп аларга яшәү ансат дип әйтеп була инде монда?

Теги: 250
Нравится
Поделиться:
Реклама
Комментарии (0)
  • 14 декабря 2017 в 16:56
    Эш кешесе Хатын пыр тузына: – Син таң белән эшкә дип чыгып китәсең дә, кич җиткәч арып-талып кайтып керәсең. Юньләп ашап та тормыйча, караватка барып авасың. Иртән торасың да тагын чыгып китәсең... Кайда йөрисең син, ә? – Эштә, әлбәттә.
    71
    0
    0
Реклама
  • 14 декабря 2017 в 12:30
    пресс конференция Владимира Путина
  • Балык, кап, яр буенда ялтырап ят!
  • Ратушада геройларны котладылар
  • “Болгар радиосы” V Милли музыка премиясен тапшыру тантанасы
  • «Үзгәреш җиле»ннән ФОТОРЕПОРТАЖ
  • Горки-Әмәт урман паркында Кыш бабай һәм Кар кызы белән очрашу
  • Дәүләт Советы сессиясендә
  • Казан кичләре
  • Казандагы балалар бакчасында «Балачак китапханәсе» ачылды
  • Йөзү буенча Россия чемпионаты башланды
  • «Миркәй белән Айсылу» спектакленнән ФОТОРЕПОРТАЖ