Люция Мусинаның кызы үз юлыннан килә

- Бу арада үзем дә, Рөстәм дә (җырчы Рөстәм Закиров - авт.) яңа җырлар яздыру өстендә эшлибез, - диде Люция, - Сабантуйларга әзерләнәбез. Вакытның тиз узуына таң калам. Быел улыбыз Айрат саксофон буенча музыка мәктәбен тәмамлый, инде паспорт алды, зур егет булды. Кызыбыз Миләүшә өченче сыйныфны тәмамлый. Даими рәвештә җыр конкурсларында катнашып тора, гел призлы урыннар яулап бара. Балаларның безнең эздән килүләренә карап, әтиләре белән сөенеп туя алмыйбыз.