Әнвәр Нургалиев халык артисты булды!

“Әлегә дәрәҗәле исем тантаналы рәвештә тапшырылмаса да, концертта тамашачы алдында мине “Башкортстанның халык артисты” дип игълан иттеләр инде. Халык артисты исеменә лаек булу – зур дәрәҗә һәм җаваплылык. Тамашачыма һәм республика җитәкчелегенә олы рәхмәтемне белдерәм. Бу исемне аклар өчен хәлдән килгәнчә тырышачакмын, халкыма хезмәт итәчәкмен, Аллаһы теләсә”, - диде Әнвәр Нургалиев.

Әнвәрне дәрәҗәле исем алуы белән чын күңелдән котлыйбыз, иҗади уңышлар телибез!