Ришат Төхвәтуллинның быелгы концерты «ЧП»ларсыз гына үткән

Башта пәрдә ачылырга гына торганда, аппаратурасы янып чыкты, микрофоны эшләмәде, ә инде концерт тәмамланып өйгә кайтырга чыкканда, машина тәгәрмәчләренә пычак кадап киткәннәр иде. Быелгы концертлар тыныч узган.

- Аллага шөкер, быел «ЧП»лар килеп чыкмады, шуңа сөенеп бетә алмыйм, - диде Ришат. - Ике көн тулы анш­лаг булды, күп тамашачыларга билет җитми дә калды. Концерт бик күңелле үтте дип саныйм, канәгать калдым. Башкортстаннан әти-әнием килде. Әни белән сеңлемне сәхнәгә чакырып җырлаттым. Әти-әни авылда фермерлык белән шөгыльләнә. 12 баш мөгезле эре терлек, сарыклар асрыйлар. Сеңлем быел КФУ студенты булды.

Дусларым Рөстәм Гайзуллин белән Илфар Кәримов: «Күптәннән Казанда яшәсәң дә, һаман Башкортстан номеры белән йөрисең, Татарстанга күчәргә вакыт», - дип, «Rishat. 116 rus» дип ясалган машина номеры бүләк иттеләр. Бу минем өчен көтелмәгән сюрприз булды.