Рөстәм Насыйбуллин өченче тапкыр әти булды!
Халыкара конкурслар лауреаты, талантлы җырчы Рөстәм Насыйбуллин өченче тапкыр әти булды! Җырчының тормыш иптәше - коллегабыз, журналист Юлия Насыйбуллина.
Халыкара конкурслар лауреаты, талантлы җырчы Рөстәм Насыйбуллин өченче тапкыр әти булды! Җырчының тормыш иптәше - коллегабыз, журналист Юлия Насыйбуллина.
“Бәйрәм көнендә – 13 майда Республика клиник хастаханәсенең перинаталь үзәгендә кичке сәгать алтынчы яртыда улыбыз дөньяга килде. Авырлыгы – 3050 грамм, буе – 53 см. Юлиянең дә, сабыебызның да хәле яхшы, Аллаһка шөкер”, - диде Рөстәм.
Насыйбуллиннарның олы кызлары Амирага нибары 4 кенә яшь әле. Уллары Әскәр дә кечкенә. Хәер, Рөстәмнең үзенә дә 27 яшь кенә. “Балаларны бик яратам. Алар – иң зур байлыгыбыз”, - ди җырчы. Ул балага нинди исем кушуларын әлегә сер итеп калдырды.
Рөстәм белән Юлияне чын күңелдән котлыйбыз, гаилә бәхетеле, сәламәтлек телибез!
Кызыклы яңалыкларны күзәтеп бару өчен Вконтактега кушылыгыз.
Комментарийлар