Винарис белән Лилиянең туй көне билгеле булды

Винарис Илъегет белән Лилия Хәмитованың туе 13 август көнне узачак. Бу хакта безгә Винарис хәбәр итте.
“Туй мәҗлесендә 200ләп кеше булачак. Бу – иң якыннары гына әле, ягъни минем һәм Лилиянең туганнары. Туебызга Пермь, Арча, Кукмара, Чаллы, Самара якларыннан кунаклар киләчәк. Мин дә, Лилия дә ике тапкыр кием алыштырырга җыенабыз – берсе рәсми язылышу тантанасында, икенчесе туй мәҗлесендә киеләчәк. Безнең мәхәббәт еллар дәвамында сыналган. Бәхетле көнебезне – 13 августны түземсезлек белән көтәбез”, - дип сөйләде Винарис.
Туйга кадәр Винарис һәм Лилия “мальчишник” белән “девичник” (кыз озату кичәсе) үткәрергә җыена.