Җырчыларны котлыйбыз!

Салават Фатхетдинов концертында шәкерте Альберт Валиуллинга «Мәдәнияттәге казанышлары өчен» күкрәк билгесе тапшырганнар. 

– Шатлыгымның очы-кырые юк! Көтелмәгән яңалык һәм бик кадерле бүләк булды бу. Зур рәхмәт Татарстан Республикасының Мәдәният министрлыгына һәм мәдәният министры Ирада Хафизҗан кызы Әюповага. Әлбәттә, чиксез рәхмәтләремне остазыма, укытучыма Салават Зәки улы Фәтхетдиновка  җиткерәм. Бүгенге датаны күңел дәфтәремә язып куйдым! Без булдырабыз һәм яңа казанышларга юл тотабыз. Рәхмәт сиңа, тамашачым. Син булганда, мин дә булырмын һәм җырларым белән шатландырып торырмын,  – дип язган Альберт шәхси сәхифәсендә.

Шулай ук  алып баручы Фәнил Вакказов, җырчы Зөлфәт Фәхретдинов һәм Сирень Хәсәнов  да «Мәдәнияттәге казанышлары өчен» күкрәк билгесе  тапшырылган.