Абыйга өлеш тиешме?

Тик канун буенча, әни әтигә дә өлеш чыгарырга тиеш булган икән. Безнең абый да бар. Әти-әнинең олы улы. Аңа әнинең мирасыннан өлеш чыгарга тиешме? 
Зәмирә Салихова,
Яшел Үзән.

Россия дәүләт Гадел хөкем университетының Казан филиалында гражданлык хокуклары кафедрасы канди­даты доцент Вероника Карягина аңлатуынча, Россия Гражданлык кодексының 1149нчы маддәсе буенча, мирасчының балигъ булмаган яки эшкә яраксыз балалары, эшкә яраксыз әти-әнисе йә хатыны, ире, иждивениедә булган эшкә яраксыз туганнары васыятьнамәдә күрсәтелмәгән очракта да, мирастан өлеш дәгъва итә ала. 2019 елның 1 гыйнварыннан, канун нигезендә, 50 яшькә җиткән хатын-кызлар, 60 яшькә җиткән ирләр бу хокукка ия. Кыскасы, бу фатирда яшәүче тол калган пенсиядәге ир эшкә сәләтсез категориягә керә. Шуңа да ул васыятьнамәдә күрсәтелмәсә дә, аңа өлеш чыгарылырга тиеш. Бу уңайдан Гражданнар кодексының 1131нче маддәсе буенча, васыятьнамәне дөрес түгел, дип санарга да җирлек бар, әмма анда канун буенча мирасчы булырга тиешле кызы күрсәтелү сәбәпле, васыятьнамәне гамәлдә дип исәпләргә кирәк. Ә абыегыз үзен-үзе кайгырта ала, ул балигъ, эшкә сәләтле, шуңа да бу очракта аңа әниегезнең мирасыннан өлеш каралмаган. Димәк, әниегезнең өлеше сезгә, әтиегезгә бүленәчәк. 

Эльвира Мозаффар әзерләде.