Шәһри Казан

«Рубин» үз туган көненә бүләк ясады

Дүрт уен рәттән оттырганнан соң, ниһаять, «Рубин» туган көнендә үзенә дә, тамашачысына да бүләк ясады.

Реклама

Узган якшәмбедә казанлылар Үзәк стадионда 13118 тамашачы каршында Мәскәү «Спартак»ын кабул иткән иде. Уен 2:1 исәбенә мәйдан хуҗаларының матур җиңүе белән тәмамланды.
Исәпне икенче таймда, Юрий Мовсисян көче белән, «Спартак» ачып җибәрсә, 67 нче минутта безнең Марко Девич җавап тубы кертә алды. Ә Александр Прудниковның өстәмә вакытта «Спартак» капкасына юнәлткән тубы казанлыларга җиңү китерде.
«Рубин»ның өлкән тренеры Ренат Билалетдинов уенның авыр булуын, җиңүнең шуңа да татлырак икәнлеген яшермәде. Казанлыларны бу атнада Мәскәүнең тагын бер легендар командасы - ЦСКА белән очрашу көтә.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: