#Спорт 12 декабря 2020, 16:11

Татарстан көрәшчеләре алтынга күмелде

12 декабря 2020, 16:11

Казанда билбаулы көрәш буенча дөнья чемпионаты тәмамланды. Әлеге ярышларда Россия җыелмасы составында Татарстан көрәшчеләре дә гаять уңышлы чыгыш ясады.

Скопировать ссылку

Бүген дөнья чемпионатында билбаулы көрәшнең классик стиле вәкилләре бил алышты. Алтыннарның барысы да диярлек татарстанлылар исәбендә. Шамил Чевик, Виталий Колесников, Ренас Кәлимуллин, Булат Мусин, Раил Нургалиев - 1 урында. Ислам Фәләхов, Илнар Галимов, Ранис Гыйләҗетдинов - 2 урында.

Ирекле стильдә Габдеҗәлил Сөләйманов - беренче, Тимур Латыйпов, Динар Кәримуллин, Энҗе Йосыпова - икенче, Динара Мөбәрәкшина - өченче.

Ярышларның үз геройлары да бар. Әйтик, Раил Нургалиев быел алтынчы тапкыр дөнья чемпионы булып танылды. Ренас Кәлимуллин - бишенче тапкыр алтын медаль яулады. Ә Алексеевск егете Габдеҗәлил Сөләйманов исә җиденче тапкыр дөнья чемпионы булып танылды!