Шәһри Казан

В.Балахничев: «Универсиада уенчыларны дөнья беренчелегенә сайлап алу ягыннан мөһим старт булды»

Казан Универсиадасы Россия җиңел атлетлары өчен гаять уңдырышлы узды. Студентлар спорты уеннарының әлеге турнирында безнең команда барлыгы 49 медаль яулап (22 алтын, 18 көмеш, 9 бронза), рәсми булмаган зачетта җиңеп чыкты. Икенче баскычны шактыйга калышып, ЮАР командасы (5-2-4), өченчене Украина җыелмасы (4-5) биләде. Моннан ике ел элек Кытайның Шеньчжэнь шәһәрендә...

Реклама

Җиңел атлетика буенча Бөтенроссия федерациясе президенты Валентин Балахничев быелгы Казан Универсиадасы ил җыелма командасы өчен дөнья чемпионатына әзерлек алдыннан мөһим старт булды дип саный. Ул бу хакта федераль басмаларга биргән әңгәмәсендә белдерә.
- Казан Универсиадасында җиңел атлетика буенча Россия җыелма командасын шушындый көчле составта катнаштыру ни дәрәҗәдә үзен аклады?
- Без башта ук көчле составны алып киләчәгебезне хәбәр иткән идек инде, чөнки үзебезнең илдә узганга, Универсиаданың абруе тагын да күтәрелде. Спортчылар үзләре дә катнашырга теләде, тренерлар да аларны әлеге стартка әзерләргә бик теләп алынды. Шулай да әле Универсиадада безнең иң көчле спортчылар составының яртысы гына катнашты.
Җиңел атлетика буенча Россия җыелма командасы өчен быел, әлбәттә, август аенда Мәскәүдә узачак дөнья чемпионаты төп старт булып санала. Казан Универсиадасы аннан кала икенче мөһим старт. Моннан тыш, Универсиада уенчыларны дөнья беренчелегенә сайлап алуда зур роль уйнады.
- Россия атлетлары командасының Универсиададагы медальләр рекордын ничек бәялисез?
- Бу башка командаларның Казанга көчсезрәк состав алып килүе турында сөйли. Шул ук АКШ җыелмасын гына алыйк. Әлеге ил халкы арасында җиңел атлетика төп спорт төре санала. Ә алар бик көчсез команда алып килгән бу юлы. Франция белән Бөекбритания җиңел атлетика буенча бөтенләй командаларын тәкъдим итмәде. Ә бездә, Универсиада кайсы илдә узуына карамастан, ул җыелма команданың әзерлек календарена һәрвакыт кертелде һәм алга таба да шулай булачак.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: