Гриппка каршы прививканы кайчан ясатырга?

Гриппка каршы прививка ясатырга уйлаган идем. Моның өчен алдан әзерлек кирәкме? Вакцинаны кайчан ясату яхшырак?
Алия Вафина, Әлки.

Татарстан Сәламәтлек саклау министрлыгы белгечләре әйткәнчә, грипп - балаларны да, олыларны да аямый торган йогышлы авыру. Аннан саклануның иң ышанычлы юлы - гриппка каршы вакцина ясату. Прививкадан соң кеше организмында гриппка каршы иммунитет барлыкка килсен өчен ике-дүрт атна вакыт кирәк, шуңа да табиблар вакцинаны авыру эпидемиясе башланганчы, көз көне, ягъни октябрь-ноябрь айларында ясатырга киңәш итә. Прививка ясатыр алдыннан аерым әзерлек кирәкми. Бары, вакцинациягә кадәр ике атна кала, кешенең салкын тиеп авырмаган булуы мөһим. Прививка ясатыр алдыннан, табиб сезне карарга тиеш.

---

Сорау, тәкъдим, фикерләрегезне редакциябезгә
8 (843) 562-50-12, 562-50-03 номерлары аша юллый аласыз.
8 (917) 851-69-62 WhatsApp
shahri-kazan@tatmedia.com
vk.com/shahrikazanda

---