#Сәясәт 08 декабря 2022, 12:46

Рөстәм Миңнеханов Кудерметовлар спорт династиясе белән очрашты

08 декабря 2022, 12:46

Татарстан Президенты Рөстәм Миңнеханов Эдуард, Вероника һәм Полина Кудерметовлар - республикабызның спорт династиясе белән очрашты. Очрашу ТР Хөкүмәт Йортында узды. Эдуард Кудерметов - алкалы хоккей буенча Россиянең спорт мастеры. 20 елга якын профессиональ дәрәҗәдә хоккей уйнаган.

Скопировать ссылку

Рөстәм Миңнеханов Кудерметовлар спорт династиясе белән очрашты

Шуларның 10 елы - 1998 елда Россия чемпионатында алтын медаль яулаган Казанның «Ак Барс» командасы составында. Спорт карьерасын тәмамлагач, теннис буенча кызлары Вероника һәм Полина белән тренер буларак шөгыльләнә башлый.

Россиянең Атказанган спорт мастеры Вероника Кудерметова халыкара турнирларда югары нәтиҗәләргә иреште. Бер ай элек ул WTA йомгаклау турнирында парлы разрядта титул яулаган тарихта җиденче россияле булды.

Полина Кудерметова 15 яшендә Россиянең спорт мастеры булды. Аның спорт казанышлары арасында: ялгыз разрядта 6 ITF турнирында җиңүче, катнаш разрядта - ике тапкыр Россия чемпионы, ялгыз разрядта Россия Кубогы иясе.

Рөстәм Миңнеханов Кудерметовлар гаиләсенең республикада спорт үсешенә керткән зур өлешен билгеләп үтте. Аерым алганда, Вероника һәм Полина теннисның югары казанышлары аркасында республикада теннис популярлаша бара.

Татарстан Президенты Вероника Кудерметовага ТАССРның 100 еллыгы медален тапшырды. Ә Эдуард белән Полина Кудерметовлар ТР Президенты Рәхмәтенә лаек булдылар.