Шәһри Казан

Артыгын кыланмагыз: Казан ишегалларында сезне видеокамера төшерә

Татарстан башкаласында хәзер йортлар һәм мәктәпләр тирәсенә чүп ташлаучыларны, кече архитектура корылмаларын ватучыларны, автомобильне урлап китәргә маташучыларны "койрыкларыннан" гына эләктереп алачаклар.

Реклама

Мәгълүмати технологияләрне һәм элемтәне үстерү буенча 2017-2019 елларга исәпләнелгән "Электрон Казан" программасын гамәлгә ашыру башланды.

- Казанда 1270 йорт 4330 видеокамера ярдәмендә күзәтүдә астына алынган инде. Быел 2000 йортка, ә "Имин шәһәр" проекты кысаларында барлыгы 4143 күпфатирлы йортка видеокамера куелачак. Видеоҗиһазлар урнаштырган өчен торак милекчеләреннән түләү алынмый,-диде шәһәр башкарма комитетының мәгълүмати технологияләр һәм элемтә идарәсе җитәкчесе Рифат Ханнанов кичә "эшлекле дүшәмбе" киңәшмәсендә.

Программага 561,6 миллион сум билгеләнгән. Әлеге акчаның 449 миллион сумы шәһәр бюджетыннан, калган өлеше-республика һәм инвесторлар чыганаклары. Бюджет беренче чиратта мәктәпләрне, балалар бакчаларын һәм башка социаль учреждениеләрне видеокамералар белән җиһазлауга тотыла.
Йортны яхшы күзәтчелектә тоту өчен кимендә-3, ә иң күбе 16 видеокамера кирәк. Бер видеокамера хезмәте аена 600 сумга төшә.

- Күпфатирлы гадәти йортлар, торак-төзелеш ширкәтләре, кооператив йортлар милекчеләре ничә видеокамера куюны, соңыннан хезмәт күрсәтүгә түләү тәртибен гомүм җыелышта үзләре хәл итәләр. Әйткәнемчә, видеокамералар урнаштыру өчен түләү алынмый, бу эшләр бюджет хисабыннан башкарыла. Кешеләр автомәйданчыкларга, подъездларга берничә камера куерга теләргә мөмкин,-диде Рифат Ханнанов.

Шәһәр башкарма комитеты инде хәзер дә муниципаль хезмәтләрнең унбер төрен электрон рәвештә күрсәтә. Шулардан иң активлары: ЗАГСта никахны, туу һәм үлем фактын теркәү, торак ихтыяҗы чиратына басу, торак мәйданны үзгәртеп планлаштыруны раслау, торак мәйданны- торак булмаган яки торак булмаган мәйданны торакка әйләндерү. Быел сабыйларның балалар бакчаларына кабул ителүен, шулай ук архив белешмәләрен һәм документлар күчермәләрен бирүне электрон тәртиптә башкаруга күчү ниятләнелә.

Казанда муниципаль учреждениеләргә мөрәҗәгать иткәндә "электрон чират" сервисы тагын да киңрәк кулланышка кертеләчәк. Киров һәм Мәскәү районнары хакимиятендә бу алым инде 2016 елның март аеннан гамәлдә.

Мэр Илсур Метшин үзенең фикерләре белән уртаклашканада мәгълүмати технологияләрнең зур әһәмияткә ия булуын әйтте. Ахитектура һәм шәһәр төзелеше идарәсендә электрон рәвештә хезмәт күрсәтүнең куелышын аерым игътибарга алырга чакырды.



Фото: www.pro-video.pro

Нравится
Поделиться:
Реклама
Комментарии (0)
Реклама
  • 17 май 2018 - 11:28
    Өй салуның ние бар? - 2
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.04.2018
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
Соңгы комментарийлар
Интервью
  • 21 май 2018 - 17:00
    «Китапханә паркта» проекты старт ала Казанда узачак Футбол буенча дөнья чемпионаты көннәрендә Татарстан Республикасының Милли китапханәсендә узачак чаралар турында журналистларга китапханә директорының фәнни эшләр буенча урынбасары Ирек Һадиев сөйләде.
    49
    0
    0
  • 17 апрель 2018 - 11:15
    Илшат Әминов: «Дөнья йөзендә бер генә татар калса да, без аның өчен эшләячәкбез» «Яңа Гасыр» телерадиокомпаниясе татар журналистикасында өч студентны үз хисабына укытырга җыена. Телеканалда «Әйдә ТНВга» исемле бәйге игълан ителде, бу хакта телерадиокомпаниянең генераль директоры Илшат Әминов журналистлар белән очрашуда сөйләде. Матбугат конференциясендә телгә алынмый калган сорауларга ул эксклюзив әңгәмәдә җавап бирде.
    366
    0
    0
  • 17 апрель 2018 - 10:39
    Раиф Зиннәтуллин: «100% бала татар теленә каршы дип уйларга кирәкми» Казан башкарма комитетының милли мәгариф бүлеге методисты Раиф Зиннәтуллин йөз процент бала татар теленә каршы дип уйларга кирәкми. Балалар, бәлки, ата-аналары басымы астында аны сайламый торгандыр дип исәпли.
    359
    0
    2
  • 17 апрель 2018 - 11:03
    Осиноводан Швейцария ясамакчылар Казанда чүп яндыру заводы 2022 ел ахырында барлыкка килергә тиеш. Ул Казан читендәге Осиново бистәсе янында төзелер дип планлаштырыла. Төзелеш эшләре 28 миллиард сумга төшәр дип көтелә. Завод елына 550 мең тонна чүп яндырачак. Шуның нәтиҗәсендә 55 мегаватт электр энергиясе бүленеп чыга.
    354
    0
    0
Ночной режим