Шәһри Казан

Чыршыларны кәҗәләргә озатабыз

Яңа ел каникуллары үтте, чүплекләрдә бәйрәм рухы биреп, өй түрендә балкып утырган урман гүзәлләре дә күренә башлады. Алары бер кызганыч булса, сатылмый калып, базар чатларында аунап яткан чыршылар икеләтә кызганыч.

Беренче гыйнвар көнне бер сәүдә үзәге каршындагы мәйданчыкта шуларны күреп, кәефем бик кырылган иде. Моннан берничә ел элек газета укучыларыбыз, Яңа ел чыршысын кая куйыйк икән дип шалтырата башлагач, җавап эзләп, бик күп оешма, ведомстволарга шалтыратырга туры килде. Аларның барысыннан да бер җавап ишеттек: «Аның өчен махсус тапшыру пункты ачылмый».
Ниһаять, узган елны бу эшкә Идел буе экология компаниясе алынды. Казанның Гадел Кутуй урамындагы 160нчы йорт янында махсус пункт ачылды. Үткән елны ул соңгарак калып ачылган иде, экология компаниясенең матбугат сәркатибе Альбина Шаһиәхмәтова сүзләренчә, барысы 160тан артык чыршы җыелган.

– Быел бу эшкә 10 гыйнвардан ук тотындык. Шуңа да чыршыларны пунктка китереп бирүчеләрнең саны күбрәк булыр дип уйлыйбыз. Беренче көнне үк бер контейнер тулырга да өлгерде. Бүген тагын берне куярга ниятләп торабыз, – дип сөйләде ул безгә.
Чыршыларны шәһәрнең башка җирләрендә дә кабул итүне оештырып булмыймы дигән сорауга ул, бу фәкать социаль проект, транспорт мәсьәләсе белән авыррак, диде.
 
Чыршыларны теләге булган һәркем 31 гыйнварга кадәр тапшыра ала. Әмма аларны мишуралардан һәм уенчыклардан арындырып килергә кирәк.
Җыелган чыршыларны, узган елдагыча, Югары Ослан районының Шеланга авылына илтеп бирәчәкләр.
– Үткән елны компания белгечләре бәйрәм чыршыларын кая тапшырып була икән дип озак баш ватты. Бары тик Югары Ослан районы фермеры Мурат Сираҗин гына безне ишетте. Ул кәҗәләр асрый, алар ылыслы ботакларны үз итә икән. Кәҗәнең сөте дә файдалы була, имеш, – диде безгә Альбина.

Реклама

Казан халкыннан җыелган чыршыларны кәҗәләргә озатсалар, Иркутскида аны махсус машина белән ваклап турап куялар да язын туфракка ашлама рәвешендә кертәләр икән. Киевта кулланылган чыршылар белән теплицаларны җылыталар ди. Бөтендөнья кыргый табигать фонды кайчандыр чыршыларны биоягулык итеп эшкәртә торган завод ачу идеясе белән дә чыккан булган.

Чит илләргә килгәндә, Финляндия белән Швециядә чыршыларны мебель фабрикасына илтәләр һәм аларны анда нәрсә булса да эшләгәндә кулланалар яки котельныйга ягалар. Голландия, Германия, Австриядә чыршыларны фермерлар сатып ала һәм ашлама итеп кулланалар. Германия һәм Швециядә алардан май ягар өчен махсус агач пычаклар да ясыйлар икән.

Фото: bloknot.ru

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
Интервью
  • 19 января 2018 в 14:32
    Балалар бакчасына түләү күпмегә арта?
    Быел 1 гыйнвардан балалар бакчасына түләү бәяләре артты. Былтыргы белән чагыштырганда (2017 елда түләүләр сигез процентка арткан иде) әллә ни күпкә түгел, дүрт процентка гына. Бу уртача 120 сум дигән сүз.
    83
    0
    1
  • 12 января 2018 в 11:37
    Татарстанда яшь ананы вәхшиләрчә үтерүдә гаепләнүче кулга алынган Түбән Камада чаңгы шуучы 29 яшьлек хатын-кызны үтерүдә шикләнелүче тоткарланган, дип хәбәр итә ТР Эчке эшләр министрлыгының матбугат хезмәте.
    324
    0
    0
  • 12 января 2018 в 14:42
    Эт елында этләнеп яшик?! Раштуада шәмнәр яндырып көзге алдында утырмасаң да, яңа гына башланып киткән елны фаразлавы кыен түгел. Чираттагы Кыш бабайны көткәндә, сайлаучылар алдында мескен күренергә тырышкан депутат кебек, салават күперебез дә аклы-каралы гына иде димәбез, иншалла, әмма чынбарлыгыбыз бөтенләй үк аллы-гөлле дә түгел.
    213
    0
    0
  • 12 января 2018 в 12:31
    Узган ел бәхетле булганбыз Яңа елга аяк басканда, узганына нәтиҗәләр ясау гадәте бар: бәяләр ни рәвешле уйнаган, без нихәтле яхшы яши башлаганбыз, тормыш дәрәҗәбез кай тирәдә икәнен чамалап тору кызык бит.
    108
    0
    0