Шәһри Казан

Дәүләт порталыннан файдаланучыларга 30 процент ташлама ясала

Реклама

Халык арасында электрон дәүләт хезмәтләреннән файдалану көннән-көн популярлаша бара. Уңайлы, тиз булганга күпләр бу юлны сайлый. Өстәвенә, арзанрак та. Электрон портал аша дәүләт пошлиналарын түләгәндә ташламалар тәкъдим ителә. "Татар-информ" да узган матбугат конференциясендә ЮХИДИ, хокук саклау өлкәсенә караган кайсыбер төр хезмәтләрдән файдаланганда 30 процент ташлама алырга мөмкин булуы турында сөйләштеләр.

Бүген Россия эчке эшләр министрлыгының Казан идарәсе аша электрон дәүләт порталындагы 15 хезмәттән файдаланырга була. Аеруча, хөкемгә тартылу-тартылмау турында белешмә алу, архив документларын сорату киң таралган.

- Безгә мөрәҗәгать итүчеләрнең 95 процентына хөкем ителү-ителмәүгә кагылышлы белешмә кирәк. Быелның җиде аенда гына да дәүләт порталы аша шундый 70 мең гариза кабул ителде,- ди Татарстан Эчке эшләр министрлыгының мәгълүмати үзәк җитәкчесе урынбасары Дмитрий Гаделшин.

Шулай ук дәүләт порталы аша яңа алган транспортны теркәү, машина йөртү таныклыгы алу, юл йөрү кагыйдәләрен бозган өчен штраф түләү дә җайлы.

- Бердәм дәүләт порталында теркәлү барлык дәүләт хезмәтләреннән файдаланырга мөмкинлек бирә. Бу өлкә гел камилләшә, кулланучы өчен гадиләштерелә бара. Әйтик, элек хезмәттән файдаланганда, документларны интернет аша тапшырганнан соң, күп функцияле үзәккә, йә почта бүлегенә килеп шәхесеңне расларга кирәк иде, ә хәзер шәхесеңне телсә-кайсы ЮХИДИ бүлегенә барып та расларга була. Бары үзең белән паспорт һәм СНИЛС (шәхси иминият счетының лицевой номеры) алып килү мәҗбүри. Сүз уңаеннан, Казанның ТЭЦ урамында дәүләт хезмәтләре күрсәтә торган биш өстәмә ЮХИДИ бүлекчәсе ачылды. Алар барысы да төшке ялсыз эшлиләр, - дип аңлатты ЮХИДИның имтихан бирү бүлеге җитәкчесе, полиция подполковнигы Илнар Кәрамов.

Дәүләт хезмәтләреннән файдалануның тагын бер өстенлеге - машина йөртү таныклыгын алыштырганда, транспорт чарасына номер рәсмиләштергәндә, машина йөртү таныклыгы алганда 30 процент ташлама бирелү. Әйтик, машина йөртү таныклыгын алмаштырганда 2000 сум дәүләт пошлинасы түләргә туры килсә, дәүләт порталы аша аны ташлама белән 1400 сум итеп түләргә дә була. Элек машина йөртү таныклыгын бары аерым ЮХИДИ бүлегеннән генә алу мөмкин булса, хәзер моны күп функцияле үзәкләр аша да эшләргә була, ди. Дөрес, бу очракта таныклык алу процессы 5-7 көнгә сузылачак.


Ел башыннан Россия Эчке эшләр министрлыгының Казан идарәсе аша 430 меңнән артык дәүләт хезмәтеннән файдаланганнар. Аларның 129382се ЮХИДИ, 293909ы эчке эшләр бүлеге, 11000 е мәгълүмат үзәге юнәлеше буенча башкарылган.

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    327
    0
    2
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    453
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    819
    0
    2
  • 24 февраля 2018 в 13:17
    «Алкаш ясыйсыз бит инде...»  Элегрәк булган бу хәл. Әле татарлар эчү белән хәзерге замандагы кебек бик нык мавыкмаган чакларда булган, диләр.
    34
    0
    0