Хәерле ял көннәре сезгә!

«Республика" сәүдә үзәгендә маймыллар күргәзмәсе оештырыла. Биредәге хайваннарны күзәтеп кенә калмыйча, тотып карарга да мөмкинлек булачак.

Күргәзмәдә әбиләрнең корсетларыннан алып бабайларның китапханәләрендәге китапларына кадәр сатып алырга мөмкин. Яки узган гасырның бик нәзәкатле букчасын яисә портфель - "дипломат"ын да эләктерергә мөмкин. Күргәзмә "Циферблат" бинасында оештырыла.

Murzik тайм-кафесы теләге булган барлык кешеләрне мастер-класска чакыра. Сезгә үз кулыгыз белән интерьерның бер өлеше булып торган, төнге саташулардан саклаучы амулет ясау мөмкинлеге бар. Алдан язылырга кирәк.

Качалов исемендәге театрның 225 еллыгы уңаеннан, "Качалов театрында очрашулар. Театр турында сөйләшүләр" проекты дәвам итә. Һәр ай саен сезон дәвамында Кече залда танылган артистлар белән очрашулар үткәрелә. Тамашачылар яраткан артистларына кызыксындырган сорауларын юллый алачак. Бүген алар белән очрашуга Россиянең һәм Татарстанның халык артисты, Г. Тукай исемендәге Дәүләт бүләге лауреаты Геннадий Прытков килә.

УНИКС концертлар залында узучы әлеге концерт Стас Аршиновның якты истәлегенә багышлана. Ул "Апрель" автор җырлары клубын, "Айша" фестивален һәм бөтендөнья авторлар фестивален оештырган шәхес. Программада Вад һәм Вал. Мищуклар, К. Тарасов, А. Мирзаян, Г. Хомчик, Д. Богданов, Е. Фролова, С. Хутас һәм махсус кунак - Леонид Сергеевның катнашуы көтелә.

Г. Камал исемендәге Татар дәүләт академия театрында - «Кечтүкле уен» (Башлана: 12.00) һәм «Яшь йөрәкләр» (Ф.Бурнаш) мелодрамасы,

К.Тинчурин исемендәге Татар дәүләт драма һәм комедия театрында - «Әллә язмыш, әллә ялгыш...» комедиясе (автор - Н.Нестерова, И.Хафизов тәрҗемәсе) (Башлана: 17.00) Болакта театрында - "Зима" спектакле, (Вакыты: 19.00), "Угол" иҗат лабораториясе Ярослав Пулиновичның "Наташина мечта" пьесасын тәкъдим итә (Вакыты: 19.00).