Шәһри Казан

Илсур Метшин укучыларның яңа менюсын татып карады

Яңа меню ризыклары арасында - пешерелгән горбуша, «Восторг» балыгы, татарча әзерләнгән ит, дөге һәм яшелчә белән пешерелгән тавык ботлары, балык запеканкасы, бифштекс, «Мәктәп» кәтлитләре һәм башкалар.

Казан мәктәпләре укучыларының һәм аларның әти-әниләренең теләкләрен исәпкә алып төзелгән яңартылган меню башкала мэры Илсур Метшинга тәкъдим ителде. Бу хакта Казан мэриясенең рәсми порталы хәбәр итә.

Күчмә киңәшмә барышында шәһәр Азык-төлек һәм социаль туклану департаментында шәһәр башлыгы азык-төлек саклау өчен склад бүлмәләрен, әзерләү һәм кайнар цехларны карап чыкты. Оешма буенча экскурсияне департамент директоры Рима Мөхәммәдшина үткәрде.

Сәфәр яшелчә, җиләк-җимеш, кипкән җиләк-җимеш һәм сок саклау складыннан башланды. Аның мәйданы 350 кв.м тәшкил итә, ә сыйдырышлыгы – 130 тоннага якын. Шул ук вакытта продукция 4-5 көн дәвамында кулланыла. Департамент директоры билгеләп үткәнчә, склад ел әйләнәсе мәктәпләргә, балалар бакчаларына һәм хастаханәләргә яңа яшелчәләр һәм җиләк-җимеш китерергә мөмкинлек бирә.

Экскурсия вакытында шәһәр башлыгына ит һәм балык саклау өчен яңартылган складларны күрсәттеләр. «Хәзер, түшәмнәр югарырак булганлыктан, монда 50%-ка күбрәк – якынча 35-37 тонна товар сыйдырып була», - дип сөйләде департаментның склад хуҗалыгы директоры Дмитрий Семеренко.

Реклама

Кайнар һәм әзерләү цехларында Илсур Метшин азык-төлек һәм ризык әзерләү эшләренең ничек баруын күрде. Яңа меню ризыклары арасында - пешерелгән горбуша, «Восторг» балыгы, татарча әзерләнгән ит, дөге һәм яшелчә белән пешерелгән тавык ботлары, балык запеканкасы, бифштекс, «Мәктәп» кәтлитләре һәм башкалар. Мэр мәктәптәге яңа менюга кергән әзер ризыкларны татып карады һәм яңа ризыкларның матур тәкъдим ителеше һәм яхшы тәм сыйфаты белән аерылып торуын билгеләп үтте.

Исегезгә төшерәбез, мәктәптәге яңа меню 2019 елның 1-нче сентябреннән гамәлгә кертелде. Анда ярымфабрикатлар саны һәм ассортименты сизелерлек кимеде. Ата-аналар үтенече буенча яңартылган менюга ике вариантта шактый түбәнрәк бәядән - 45 сумлык - кайнар аш кертелде, ул үз эченә икенче ризык яки камыр ризыклары белән беренче ризыкны үз эченә ала. Менюны төзегәндә мәктәп пикникларында, «Әни темада» проекты кысаларында узган очрашуларда, шулай ук «Ашадым һәм канәгать» мобиль кушымтасы аша әйтелгән кисәтүләр һәм тәкъдимнәр исәпкә алынды.

Соңыннан Р.Мөхәммәдшина «Яңа дулкын» музыка фестивалендә катнашучыларга һәм кунакларга тәкъдим ителәчәк татар ашлары ризыклары белән таныштырды. Исегезгә төшерәбез, ул Казанда агымдагы елның август ахырында узачак. Тәкъдим ителгән ризыклар арасында - бәлеш, ат ите, ат бавыры, кулдан эшләнгән кәнфитләр һәм башкалар.

Күчмә киңәшмәдә шулай ук Башкарма комитет җитәкчесе урынбасары Илдар Шакиров, Башкарма комитет Аппараты җитәкчесе Евгений Варакин һәм башкалар катнашты.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (2)
Осталось символов:
  • 27 февраль 2020 - 09:32
    Без имени
    Менюны татып карап булмый!
  • 27 февраль 2020 - 09:06
    Без имени
    Минемчә, менюны татып карап булмый,ул бит кәгазьдә язылган әзер ризыклар исемлеге. Бик уңышлы заголовок та түгел.