Шәһри Казан

Казан автобуслары Сочига китәчәк

Казанда барган Студентларның халыкара җәйге Уеннарында Россия җыелма командасы, медальләр саны буенча, ил тарихында СССР җыелма командасы ирешкән үрне узып китте. Казандагы халыкара Уеннарда Универсиадаларның 59 рекорды куелды.

Реклама

«Kazan-Arena» футбол стадионында үткәрелгән матбугат конференциясендә Россиянең спорт министры Виталий Мутко: «Мәскәүдә 1973 елдагы Уеннарда совет командасы 134 медаль (шуның 68е алтын) яулаган булса, Россия командасы Казандагы Универсиадада 16 июльгә үк 250 медальле (126сы алтын) иде инде», - дип, сөенечен уртаклашты.
- Татарстан җитәкчелеге искиткеч тырышлык күрсәтте, Универсиада Олимпия уеннары дәрәҗәсендә үтте. Казан ул эшли белә. Сочи мэры да Универсиада чорында Казанда яшәп торсын, әй, карасын, өйрәнсен иде, - диде ул.
Россиянең спорт министры: «Урлашулар булды», - дигән имеш-мимешләр ишетелә. Казанда спорт корылмалары төзелешенә 47 миллиард сум тотылды. Интернетта чыгымнарның һәр пункты күрсәтелгән. Гайбәт таратырга түгел, ә төзелешләргә сөенә белергә кирәк», - дип, аерым басым ясап әйтте.
Казан Универсиадасына хезмәт күрсәткән автобуслар, иминлек терминаллары 2014 елда Олимпия уеннары булачак Сочи шәһәренә китәчәк.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: