Казан, Чаллы, Яшел Үзәндә яшәүчеләр, авыл хуҗалыгы ярминкәләренә килегез!

Казанда ярминкәләр 10 мәйданчыкта булачак.

Казанның Совет районында "Казан" агросәнәгать паркы һәм "Дерби" базары янындагы мәйданчыкта;

Яңа Савин һәм Авиатөзелеш районнарында "Бәхетле" кибете каршында;

Мәскәү базары янында Энергетик һәм Шамил Усманов урамнары ягында;

Киров районының "Җиләк бистәсе" янындагы һәм Юдинодагы мәйданчыкта;

Вахитов районында Чех базары артында Достоевский урамы буенча һәм К.Тинчурин скверы янындагы мәйданчыкта;

Идел буе районында "Чулпан" мәдәният үзәге янындагы мәйданчыкта була.

Ярминкәләр Чаллыда Габдулла Тукай яр буе урамында һәм Яшел Үзәннең "Яңа Тура" технополисы янындагы мәйданчыкта да гөрләячәк.

Килегез, арзан бәядән сыйфатлы ризыкларны, авыл хуҗалыгы ярминкәләреннән алырга була.