Күңелле ял көннәре телибез!

Бүген Казан зообакчасында зоопаркка 210 ел тулу уңаеннан, бәйрәм оештырыла. "Бу көнне уку сыйныфында кунакларны уеннар һәм мастер-класслар көтә. Теләге булган һәркем зур бәйрәм открыткасына юбилей белән котлап, теләкләрен дә язып калдыра алачак. Моннан тыш, хәйрия зоолотереясы да уйнатылачак. Бер генә кеше дә бүләксез кайтып кимәс, дип вәгъдә итә оештыручылар.

Әгәр ял көннәрендә Җиңү паркында булырга туры килсә, Россия Геройларына багышланган фотокүргәзмәне дә күрми китмәгез. Әлеге күргәзмә бер ай дәвамында - 9 декабрьдән 9 гыйнварга кадәр эшләячәк.

Бу ялларда "Мега" сәүдә үзәгендә дә "Кышкы бульвар" дип исемләнгән күңел ачу мәйданы ачылды. Бәйрәм кунакларын карусельлар, таулар, балалар өчен анимацияләр программасы, тематик фотога төшү мәйданы, Яңа ел чыршысы һәм Санта Клаус белән очрашу көтә. Моннан тыш, кышкы җиһазлардан бушлай файдалану мөмкинлеге дә булачак.

Бертуган Васильевлар остаханәсендә суда Эбру сәнгате буенча рәсем ясау мастер-классына килегез. Эбру - борынгы көнчыгыш сәнгате. "Йөзеп йөрүче" фонда рәсем ясанан вакытта, аны төрле өслеккә күчерергә мөмкин.

Бүген Г.Тукай исемендәге татар дәүләт филармониясе гадәти булмаган тамаша тәкъдим итә. «Новый балет» Мәскәү Дәүләт музыкаль театрының балалар өчен әзерләгән тамашасы «Гаҗәеп төш» дип атала. (Башлана:12.00) Моннан кала, сәгать 18.00 дә «Кармина Бурана» белән «Болеро» бер актлы спектакльләре дә күрсәтелә.

Татар дәүләт «Әкият» курчак театрында бүген «Красная шапочка» (Ш.Перро, Л.Блинов пьесасы) (Башлана: 11.00, 13.00) һәм «Кыш бабай бүләге» (Н.Абрамцева, Л.Лерон тәрҗемәсе) (Башлана: 15.00) күрсәтелә.

Муса Җәлил исемендәге Татар дәүләт опера һәм балет академия театрында - «Риголетто» (Д.Верди) Операсы (Башлана: 18.00), К.Тинчурин исемендәге Татар дәүләт драма һәм комедия театрында - «Төш» (Т.Миңнуллин) (Башлана:17.00) спектакле куела.

Болак буе таетрында "Сказка солдатик" (Вакыты: 11.00), Казан дәүләт яшь тамашачылар театрында - "Пигмалион, или история одного пари" (Вакыты:18.30) спектакле тәкъдим ителә.