Мисырга төбәк аэропортыннан очкан 1312 татарстанлының кайтасы калды

Ун рейс "Казан" халыкара аэропортына, берсе "Бигеш" аэропортына төшкән.

Бүген 3:05тә Хургададан Казанга "Red Wings" авиакомпаниясенең "RWZ-9926" рейсы кайтты. Анда 209 кеше, шул исәптән 51е балалар. 5:20 дә шул ук борт "RWZ-9925" рейсы белән пассажирларсыз Казаннан Хургадага очты. 4:42дә Шарм-әл-Шәйхтан Казанга «Северный ветер» авиакомпаниясенең "NWS-1948" рейсы әйләнеп кайтты. Анда 222 пассажир, шул исәптән 64 бала. Әлеге борт "NWS-5807" рейсы белән Антальяга китәргә тиеш. Пассажирлар саны аныклана.

4:51дә Казанга Хургададан «КатэкАвиа» компаниясенең "KTK-9626" рейсы төшеп утырды. Бортында 244 пасажир, аларның 73е балалар.

Тагын өч рейс Татарстанга 13 ноябрьдә әйләнеп кайтыр дип планлаштырыла. Әйтик, ул көнне 3:05тә Хургададан «КатэкАвиа» авиакомпаниясенең "КТК-9626" рейсы, ә 5:00дә шул ук шәһәрдән «Северный ветер» авиакомпаниясенең "NWS-1950" рейсы кайтырга тиеш. 23:05тә «Северный ветер» авиакомпаниясенең "NWS-5996" рейсы Шарм-әл-Шәйхтан пассажирларны "Бигеш" аэропортына кайтарырга тиеш.

^{Фото: wordyou.ru}