Шәһри Казан

Синоптиклар: "Җылылык сентябрь урталарында, берникадәр салкынайтканнан соң киләчәк"

Сентябрьнең беренче көнендә сөендергән коры, аяз һава торышы озак иркәләмәде.

Реклама

Якшәмбе көнне республикада яшенле яңгыр яуды, кинәт суытып җибәрде. Яңгыр шулхәтле яуды ки, әйтик, Казанның Җиңү Проспекты метро тукталышы тирәсендә машиналар диңгездә йөзгән кебек йөрде. Башкортстанда хәл тагын да хәтәррәк булган. Анда соңгы арада яуган яңгыр күләме 1 квадрат метр мәйданга 10 литр туры килә, ди. Социаль челтәрләр дә бу су басуны чагылдырган фоторепортажлар, видеоязмалар белән тулы. Уфа үзәгендә халык тездән су ерып йөрергә мәҗбүр, биналарның беренче катын су баскан, урамда автомобильләр йөзеп йөргән. Көчле агым коляска төртеп юл аша чыгып барган хатынны да аяктан еккан. Ул баласы белән машина астына керә язган.
Шөкер, көчле яңгырлардан каты зыян күрүчеләр юк. Ә менә яшен аркасында безнең республикада алты янгын очрагы теркәлгән, дип хәбәр Россия Гадәттән тыш хәлләр министрлыгының Татарстан идарәсе матбугат үзәге.
Чүпрәле районында яшен аркасында җәйге йортка һәм ике сарайга ут капкан, Саба районының Югары Шытсу авылы басуында бер эскерт саламга яшен суккан. Алексеевск районында яшен торак йортта янгынга китергән. Хәтта Казанның Мәскәү районында күпкатлы йортны да яшен суккан. Шөкер, кеше гомере өзелмәгән.
Синоптиклар вәгъдә иткәнчә, яңгырлар акрынлап туктады. Әбиләр чуагына килгәндә, бар да алда дип фаразлый метеорологлар. «Җылылык сентябрь урталарында, берникадәр салкынайтканнан соң киләчәк. Бу вакытта һава температурасы 25 градуска кадәр күтәрелергә мөмкин», - ди Казан федераль университетының метеорология кафедрасы мөдире, профессор Юрий Переведенцев. Көтеп карыйк.

Россия Гадәттән тыш хәлләр министрлыгының Татарстан идарәсе кисәтә:
һава торышы кинәт бозылганда урамда калсагыз, электр тогын үткәрә торган линияләрдән, реклама такталары һәм витриналар, өй кәрнизләре, реклама стендлары, агачлар яныннан ераккарак китегез.
яшен яшьнәгәндә автомобильдә барырга киңәш ителми, бу аның электр системасы эшчәнлегенә тәэсир итәргә мөмкин. Иң яхшысы - явым-төшем беткәнче, туктап көтеп тору.
су - яхшы үткәргеч, шуңа күл, буа тирәләрендә яшен сугу куркынычы зуррак.

Нравится
Поделиться:
Реклама
Комментарии (0)
Реклама
  • 25 май 2018 - 11:50
    Гүзәл Уразова мәктәп елларын искә төшерде
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
Соңгы комментарийлар
Интервью
  • 25 май 2018 - 17:35
    Сүзләр йөри Дөнья күктән, җирдән һәм сүздән тора. Ә, тагын кешеләр бар икән әле. Аларның берише күккә битен күрсәтә, берише – бүтән җирен. Ә сүзне барысы да сөйли. Белсә дә, белмәсә дә, күрсә дә, күрмәсә дә... Телнең кыйбласы юк.
    123
    0
    0
Ночной режим