Шәһри Казан

Владимир Путинның Татарстанга 16нчы сәфәре нәрсәсе белән истә калачак?

Россия Президенты Владимир Путин ике көнлек эш сәфәре белән Казанда булды. Бу аның безнең республикага уналтынчы сәфәре иде.

Илбашы Татарстан башкаласына чәршәмбе кич килгән иде. Шул ук көнне ул Татарстан мөселманнарының Диния нәзарәтендә дин әһелләре белән очрашып, илдә ислам белем бирү системасы үсеше турында фикер алышты. Кремльнең матбугат хезмәте хәбәр иткәнчә, очрашу Президентның Идел буе федераль округындагы вәкаләтле вәкиле Михаил Бабич, Татарстан Президенты Рөстәм Миңнеханов катнашында үтте.    

Россия лидеры фикеренчә, традицион ислам илдәге мәдәни кодның мөһим өлеше булып тора, мөселман өммәте исә, Путин сүзләренчә, "һичшиксез, Россиянең күпмилләтле халкының мөһим өлеше".

Владимир Путин дини белем бирүне торгызу турында сөйләшүләрнең күптән алып барылганын әйтте. Аерым алганда, Россия Президенты 1917 елгы революциягә кадәр Россия дин белгечләренең бөтен дөньяга билгеле булуларын, әмма совет заманында күп нәрсәләрнең югалуын, шуңа кире торгызылырга тиешлеген билгеләп үтте.

- Сез беләсез инде, мин баштан ук Татарстан тәкъдим иткән идеяне хупладым һәм Минтимер Шәрипович моның белән актив шөгыльләнә башлады. Болгар академиясендә өч төп объект бар инде - мәдрәсә, югары уку йортлары, академия, - диде Путин.
Әлеге очрашуда Татарстан Президенты Рөстәм Миңнеханов Россия Президентына аның исемендәге тугра, шулай ук Россиядә ислам тарихын чагылдырган, 200 еллык тарихка ия миниатюралар да бүләк итте. Туграны  Казан каллиграфы Рамил хәзрәт Насыйбуллов ясаган.

Соңрак дәүләт башлыгының матбугат сәркатибе Дмитрий Песков хәбәр итүенчә, әлеге очрашуда республика Дәүләт Киңәшчесе Минтимер Шәймиев тә катнашырга тиеш булган. Тик ул авырып китүе аркасында очрашуга килә алмаган. Шуңа күрә Владимир Путин һәм Рөстәм Миңнеханов Казан авиация заводы белән танышканчы, хастаханәдә дәваланучы Минтимер Шәймиевнең хәлен белеп чыктылар.

Песков әйтүенчә, алар Минтимер Шәриповичның сәламәтлеге белән кызыксынганнар, шулай ук узган көндәге очрашу турында сөйләгәннәр. Моннан тыш, алар Дәүләт Киңәшчесенә ул җитәкләгән хәйриячелек буенча эш  өчен рәхмәт җиткергәнннәр. Минтимер Шәймиев исә, үз чиратында, Владимир Путинга Болгар ислам академиясе хәйриячеләре китабының сигезенче томын бүләк иткән, чөнки нәкъ шушы томда Россия Президентының исеме телгә алынган.      
    
Владимир Путинның эш сәфәренең чираттагы тукталышы Горбунов исемендәге Казан авиация заводы булды. Президент модернизацияләнгән Ту-160М самолетының демо-очышын карады. Яңа самолет Россия Герое, армия генералы Петр Дейнекин исеме белән атала.

- Бу гомумән башка самолет. Бу гомумән башка машина. Тышкы кыяфәте белән башкалардан аерылмаса да, йөрткеч, очыш ераклыгы, куатлелеге – бөтенесе башка. Бу, әлбәттә, әлеге яшь һәм тәҗрибәле коллективның зур уңышы, - дип бәяләде Владимир Путин очышны карагач.  

Казан авиация заводы Ту-160 самолетларын 1984 елда чыгара башлый һәм 1990 еллар башында бу эш туктатыла. 2015 елда Россия Оборона министрлыгы җитәкчелеге модернизацияләнгән Ту-160 самолетларын кабат чыгара башлау турында хәбәр итә.  
Ракета йөртүчеләрне (ракетоносец) серияле җитештерү  2023 елда  башланырга тиеш. Россия Оборона министрлыгы шундый 50 ракета йөртүчене сатып алырга планлаштыра.
Самолет инде быелның мартында Россия Кораллы көчләренә керәчәк.  

Россия Президентының Казанга килүе Студентлар көненә дә туры килде. Бу көннәрдә башкалада Бөтенроссия студентлар клубларының «Бергәләп алга!» дип исемләнгән форумы узды. Анда илнең 38 төбәгеннән биш меңләп студент катнашты. Ә форум “Татнефть-Арена”да зур концерт белән тәмамланды.  Биредә шулай ук иң яхшы студент клубларын, грант отучы яшьләрне бүләкләделәр.  Студентларның күңелен рус эстрадасының популяр җырчылары, төркемнәре – Юлиана Караулова, “Банд Эрос” һәм “Звери” күрде. Анда катнашучы яшьләр каршында Владимир Путин да сәламләү сүзе белән чыгыш ясады.
     
- Мин сезне бик зур канәгатьлек белән Россия студентлар көне белән тәбрик итәм. Россиянең барлык студентларына, аларның остазларына укуларында, киләчәк олы тормышта уңышлар телим, - диде ул.
Владимир Путин әйтүенчә, студентлар һәм яшьләр тырышлыгы белән Россия һәрвакыт яшь, максатчан булып кала.
– Сезнең һәрчак максатчан, кыю булып калуыгызны, зур илебезнең барлык өстенлекләреннән файдалануыгызны телим. Сез яңа дәвердә үстегез, узган буынга караганда өстенлеккә дә иясез. Ирекле рәвештә, берни турында да уйламыйча, яңалыкка омтыласыз – яңа музыка, яңа сәнгать, яңа технологияләр иҗат итә аласыз. Ялгышлар ясаудан курыкмагыз. Аларны һәрчак үтеп чыгу мөмкинлеген эзләгез. Шул вакытта бәхетле һәм уңышлы буын булырсыз. Мин чын күңелдән сезгә шуны телим, - диде ул студентларга.

Студентлар белән күрешүдән соң Казан (Идел буе) федераль университетында Россия Президенты Владимир Путин һәм Татарстан Президенты Рөстәм Миңнехановның эшлекле очрашуы булды.

Владимир Путин шулай ук Россиянең легендарь «КамАЗ-Мастер» узышу командасы белән дә очрашты. Шушы көннәрдә генә команда «Дакар» раллисында чираттагы җиүен яулаган иде. Безнең «КамАЗ»лар гадәтәгечә иң җитезе булып чыкты. Россия Президенты «КамАЗ-Мастер» командасын уңышлары белән котлады һәм ничә еллар дәвамында бары тик яхшы нәтиҗәләр генә күрсәтүләрен билгеләп үтте.

***

«Студентлар үз киләчәге турында беренче курстан уйларга тиеш»

Алисә Сабирова

Реклама

Россия Президенты Казанга сәфәре кысаларында Казан федераль университетының Фундаменталь медицина һәм биология институтында да булды. Ил җитәкчесе уку йортының симуляция һәм инженерия үзәге белән танышты, Россиянең ун федераль вузы белән телекүпер аша мәгариф өлкәсендәге төп мәсьәләләр турында сөйләште.

Илбашы федераль университетларның башка уку йортлары өчен өлге булып торырга тиешлегенә басым ясады.

– Бүген без танышкан Казан федераль университетын гына алыйк. Ул заманча таләпләргә туры килгән, үз тарихы, традицияләре, данлыклы фәнни мәктәпләре булган уку йортларының берсе. Университет тарихындагы төп ике датаны билгеләп китәр идем мин. Ул Казан университеты ачылышы - 1804 ел һәм уку йортының инде федераль вуз буларак яңа сулыш белән эшли башлаган чоры - 2010 ел, - диде Владимир Путин.

Президент федераль вузларның формалашуы 2006 елдан башланганлыгын искәртте. Иң беренче булып Төньяк (Арктик) федераль университетына нигез салынган.

– Федераль вузларны булдыру киләчәккә  юнәлтелгән зур проект иде. Алар ил үсеше өчен мөһим булган сәнәгать, иҗтимагый, технологик өлкәләрнең әйдәп баручысы, Арктика, Себер, Ерак Көнчыгыш кебек илнең мөһим, зур территорияләрен үзләштерергә ярдәм итүчеләр булырга тиеш иде. Икътисади тотрыксыз чор булуга карамастан, 2006-2018 еллар аралыгында федераль вузларны үстерү өчен дәүләт казнасыннан 52 миллиард сум акча бүлеп бирелде. Уку йортлары үзләре 22 миллиард сум акча кертте. Фәнни тикшеренүләр нәтиҗәсендә, вузлар 38 миллард сум керем алды. Безгә дөнья дәрәҗәсендәге галимнәр эшкә килде, читкә киткән үз галимнәребез кайтты. Заманча техника ярдәмендә дөнья таләпләренә туры килердәй белем бирүгә ирештеләр. Бүгенге көндә мин федераль вузларны уңышлы проект дип әйтә алам, - диде Президент.
Казан федераль университеты студенты Динар Вәлиев ил җитәкчесен республиканың мәгариф тармагындагы алдынгы проектлары белән таныштырды.

– Студент өчен академик яктан мобиль булу – заман таләбе. Бездә Россия һәм халыкара дәрәҗәдә студентлар алмашу буенча 60ка якын программа эшли. Студентлар чит илләргә фәнни командировкаларга китә. Республикада шундый иң дәрәҗәле проектларның берсе - “Алгарыш” гранты. Әлеге программа буенча чит илдә белем алган якташларыбыз, укып бетергәч безгә кире кайта. Белемнәре белән илне үстерергә ярдәм итә. Шулай ук Япония белән тыгыз элемтәдә торабыз. Тиздән 70 студентыбыз аларга китә. Минемчә, хәзер безгә ил эчендәге мобильлеккә күбрәк игътибар бирергә кирәк, - диде Динар Вәлиев.
Президент та бу фикерне хуплады.

– Студентлар ил эчендәге университетлар буйлап белем алып йөрсә, бу уку йортларын да, студентларны да конкуренциягә сәләтле итә, - диде Владимир Путин.
Россиянең беренче Президенты Борис Ельцин исемендәге Урал федераль университеты студентлары укып бетергәннән соң яшь белгечләрне эш белән тәэмин итү кебек четерекле мәсьәләне күтәрде.
– Бүген эш бирүчеләр белгечләрнең белеменә генә түгел, ә башкалар белән уртак тел табуына, волонтерлык эшенә, командада эшләү, телләрне яхшы белү кебек үзенчәлекләргә дә карый, - ди алар.

Путин үз чиратында практик эшкә дә басым ясарга киңәш итте.
– Студентлар киләчәк турында инде беренче курстан ук уйлый башларга, эш бирүчеләр белән туры элемтәгә керергә тиеш. Шул ук вакытта аларның практик эше “белешмә” кәгазь алу өчен генә булмасын иде. Аңа җитди карагыз. Бәлки студентка үзенә генә бу эшкә алынуы авырдыр, Студентлар берлеге ярдәмгә килсен, - диде ул.
Владимир Путин белем алган Санкт-Петербург дәүләт университеты исә студентларның дипломына махсус код беркетә башлаган. Әлеге код ярдәмендә эшкә алучы студентның уку дәвамында ирешкән уңышлары, фәнни, иҗади эшләре белән таныша ала икән. Биредә хәтта китапханәгә тапшырылмаган китаплар да теркәлә, ди. Студентлар фикеренчә, бу эшкә алучыга яшь белгеч турында тулы мәгълүмат тупларга ярдәм итәчәк.

Путин мәгариф өлкәсенә кергән барлык IT эшләрне хуплыйм дип елмайды.

Ломоносов исемендәге Мәскәү дәүләт университеты Президентка Халыкара яшь галимнәр берлеге булдырыйк әле, дигән үтенеч белән чыкты. Быел Сочи шәһәрендә узган Халыкара яшьләр форумында катнашкан чит ил студентлары да бу теләкне хуплый икән. Ил җитәкчесе проектны тормышка ашыррыга ярдәм итәргә риза булды.
Студентлар: “Сезнең вакытыгыз юктыр инде, башка тоткарламыйк”, - дигәч тә, Владимир Путин телекүпердә катнашкан һәр федераль вуз студентлары белән сөйләште. Уй-фикерләренә теләктәшлек күрсәтте.  

Зөһрә Садыйкова, Алисә Сабирова

 
 

 

 

 

 

Фото: kremlin.ru

Нравится
Поделиться:
Реклама
Комментарии (0)
  • 22 февраля 2018 в 17:03
    Орхидеялар – энергетик вампир? Өемдә орхидеялар күп үсә. Бер танышым аларны энергетик вампир диде. Имештер, өйдә аларны тотарга ярамый. Бу чынлап та шулаймы? Алия Закирова.
    128
    0
    0
  • 22 февраля 2018 в 15:38
    Алкоголизмнан ничек дәваланырга? Статистика мәгълүматлары буенча республикада эчүчеләр саны, былтыргы белән чагыштырганда, якынча өч процентка кимегән. Ләкин бу саннар дөреслеккә бик үк туры килеп бетми икән. Нарколог, психиатр, психотерапевт Галимҗан Шакирҗанов әйтүенчә, быелның 1 гыйнварына алынган мәгълүматлар буенча, Татарстанда алкоголизм диагнозы белән 30 мең кеше теркәлгән.
    132
    0
    1
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    239
    0
    0
  • 22 февраля 2018 в 11:59
    Биш бала анасы Роза Мостафина: «Өебездән куалар» Редакциябезгә Казаннан биш бала анасы Роза Мостафина мөрәҗәгать итте.
    179
    0
    0
  • 22 февраля 2018 в 11:03
    Һәр авылның үз Фазылы булсын иде Төрле яклап килгән кеше кем ул? Андыйлар күп өлкәләрдә үзләренең көчен сынап карый, уңышларга ирешү белән беррәттән, аларның тормышы да гадәти түгел, ә үзенчәлекле, кызыклы.
    107
    0
    3
  • 22 февраля 2018 в 10:47
    «Килә ява, килә ява...»: иске спектакльнең яңа премьерасын тамашачы ничек кабул итте? Галиәсгар Камал исемендәге Татар дәүләт академия театрында Зөлфәт Хәкимнең “Килә ява, килә ява...” спектаклен яңарттылар.
    102
    1
    1
  • 22 февраля 2018 в 08:50
    Зәңгәр күзле, киң күңелле кызыбызны котлыйбыз! Зәңгәр күзле, җитен чәчле кызның урамда карга батып уйнап керүенә әбисе ул яраткан солы кесәлен пешереп куйган. Ярата шул инде аны әбисе, ярата! Гел аның куенында менә шулай иркәләнеп, назланып кына торасы иде дә соң...
    129
    0
    0
  • 21 февраля 2018 в 16:48
    23 февральдә ир-атларга нәрсә бүләк итәргә? Ватанны саклаучылар көне җитә. Бәйрәм булгач, бүләк тә әзерлисе килә. Ир-атларга нәрсә бүләк итәргә?
    220
    0
    0
  • 21 февраля 2018 в 16:16
    Юка пешерү ЫСУЛЫ Бу ризыкның ничек аталуын төгәл белмим, атамасы күптөрле. Бер якта аны юка диләр. Икенче бер җирдә көлчә дип атыйлар. Җәймә, җәүликмәк, чәлпәк дигән исемнәре дә бар.
    363
    0
    5
  • 21 февраля 2018 в 14:41
    Ләйсән Гыймаева Хәмдүнә Тимергалиеваның күлмәген алып торган?! Ләйсән Гыймаева хәйран гына түгәрәкләнеп килә, димәк, тиздән ике кызларына иптәшкә тагын бер бәләкәч өстәләчәк.
    356
    0
    0
  • 21 февраля 2018 в 13:58
    Лимонның 1001 хикмәте Лимонны без чәйгә салып эчәргә яратабыз. Ул чәйне хуш исле итә, сәламәтлек өчен дә файдасы зур. Чынлыкта исә аның хикмәте моның белән генә бетми икән.
    301
    0
    2
  • 21 февраля 2018 в 13:42
    Россиянең хоккей буенча җыелма командасы ярымфиналга чыкты Россиянең хоккей буенча җыелма командасы Норвегия командасын 6:1 исәбе белән отып, Олимпия турнирының ярымфиналына чыкты.
    103
    0
    0
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    425
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    774
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    396
    2
    2
  • 22 февраля 2018 в 10:00
    Базарларны япсалар ни булачак?
    Базарларны ябу-япмау турындагы сүзләр байтактан бара. Күптән түгел генә сәнәгать һәм сәүдә министрлыгы идарәсе, кабат бу мәсьәләне күтәреп, ил буенча барлык базарларны ябу турында закон проектын әзерләгән.
    128
    0
    1
  • 22 февраля 2018 в 17:03
    Орхидеялар – энергетик вампир? Өемдә орхидеялар күп үсә. Бер танышым аларны энергетик вампир диде. Имештер, өйдә аларны тотарга ярамый. Бу чынлап та шулаймы? Алия Закирова.
    128
    0
    0