Шәһри Казан

ЗАГС мәйданчыгы төнлә түләүле булачак

Башкаладагы «Казан» гаилә үзәгенең матур территориясе күңелсез хәлләр мәйданына әверелгән иде.

Реклама

«Эшлекле дүшәмбе» киңәшмәсендә мэр Илсур Метшин: «Казансу ярындагы «Казан» гаилә үзәге - казанлыларның һәм туристларның яраткан урыны. Кызганыч, төнлә белән бирегә җыелышкан яшьләр артык шаулашалар. Нәтиҗәдә, янәшәдәге йортларда яшәүчеләрнең тынычлыгын алалар. Моның өстенә, территорияне чүп-чарга батырып калдыралар», - диде. Шунлыктан, бирегә видеокүзәтү камералары урнаштырылачак. Кичке 21.00 яки 22.00 сәгатьтән соң, автомобильләргә түләү кертеләчәк. «Төнлә «Казан» гаилә үзәге автомәйданчыгына туктаган транспорт чаралары хуҗаларыннан җыелган акча территорияне җыештыру өчен тотылачак», - диде шәһәр башлыгы.
Моннан тыш, мэр «Казан» гаилә үзәге территориясе белән Ленин дамбасы арасындагы буш җирлекне яшелләндерү һәм төзекләндерү бурычын да куйды. Анда җәяүлеләр өчен сукмаклар ясалачак, эскәмияләр урнаштырылачак, ә көзге якта агачлар утыртылачак.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: