#Язмалар 21 июня 2018, 13:49

«Ахырзаман якынлашканда, көтүченең дәрәҗәсе күтәрелер»

21 июня 2018, 13:49

Ахырзаман якынлашканда, көтүченең дәрәҗәсе күтәрелер, дия иде әбием. Күрәсең, шул заманнар якынлаша торгандыр. Хәзер авылларда көтүче – иң кадерле һөнәр ияләренең берсе.

Скопировать ссылку

Иң күп хезмәт хакы алучылар да көтүчеләрдер әле. Бездә – сыерларны чиратлап көтү гадәте. Өлкәнрәк яшьтәгеләр көтүгә чыга алмый, билгеле, көтүче ялларга туры килә. Ә кеше табып булмый, үсмер егетләргә ялынабыз. Бер көн көтүгә чыккан өчен 500 сум түлибез.

Күпләр электр көтүчеләренә күчеп бетте. Җайлырак, диләр. 18 меңгә җайланманы алып куялар да, берничә хуҗалык кушылып, болында урын әзерлиләр. Кайбер районнарда сыерларны арканлап кына куялар. Көтү бөтенләй юк. Сөт бәясе төшә, җитмәсә соңгы арада мал-туарда төрле авырулар табылып тора, көтүче табу да бер баш бәласе, сыер асрауның файдасы юк. Ничек кенә булмасын, гаилә әгъзасына әйләнгән сөтлебикә белән саубуллашасы да килми. Сыер асраучыларга уңайлы шартлар тудырылсын иде.

Сания Әкрәмова, Кама Тамагы.

Фото: pixabay.com

Кызыклы яңалыкларны күзәтеп бару өчен Телеграм-каналга кушылыгыз.