Шәһри Казан

Альпинистлар ярышларга «мәче» белән йөри?!

Шимбә иртәсе. Урамда чатнама суык. Гадәттә, мондый вакытта кешеләрнең күбесе өйләреннән генә түгел, җылы юрган астыннан да чыкмый. Ә кайберәүләр салкын дип тормый, бозлы кыя өстенә менә, шулай ял итә. Сүзем альпинистлар турында.

20-21 гыйнвар көннәрендә Кама Тамагында альпинизмның бозга менү төре буенча «Камские вертикали» ачык, шәхси Татарстан Кубогы ярышлары узды. Казан, Киров, Ижау, Чаллы, Әлмәт шәһәрләреннән килгән катнашучылар махсус боз катырылган кыяга менеп ярышты. Ярыш, тизлеккә менү һәм катлаулы аралыкны дөрес итеп узу кебек, ике төр дисциплина буенча барды. Кыя биеклеге – 12 метр.

Ярышларның төп хөкемдары Валерий Кудряшов сүзләренчә, ел саен республикада мондый төр ике ярыш Казан белән Чаллыда уздырыла торган булган. Кама Тамагы аны әле беренче генә кабул итә. Россиядә бу спорт төре буенча иң алга киткән төбәк Киров булса, Татарстан – ярышны оештыру ягыннан беренче. Шунысы кызык: бездә мондый төр ярышлар инде 80 ел бара икән. Моны Кировтан килгән Никита Кубликов та яхшы белә. Ул – Татарстан беренчелегендә катнашкан иң яхшы спортчыларның берсе. Башкалар кыяга 37 секундта менсә, ул үрмәкүч кебек, җиде секундта үрмәли. Альпинизм белән профессиональ рәвештә 17 яшеннән шөгыльләнә башлаган.

– Кировта иң алга киткән спорт төре бу. Спортчы буларак үсү өчен мөмкинлекләр дә бар. Россия җыелмасына керәсең, дөнья буйлап йөрисең. Әлегә дөнья чемпионаты нәтиҗәләре буенча сигезенче урында барам. Нинди дә булса зур уңышка ирештем дип әйтә алмыйм. Кемдер 18 яшендә «йолдыз» була. Кемдер озак еллар артта бара да 42-43 яшьләрендә дөнья чемпионатында җиңә. Ләкин альпинистның «алтын яше» – 25-35 тирәсендә, – ди Никита.

Егет үзен мактаганнарын яратмый. Күз тиеп, ярыш вакытында йә канаты өзелеп китә икән, йә үзе егылып төшә. «Ничә тапкыр егылсам да, исән әле», – дип елмая үзе.

Реклама

– Боз даими түгел, аны интуитив рәвештә тоя белергә, тауга менгәндә һәрвакыт игътибарлы булырга кирәк. Дөрес, заманча альпинист корылмалары егылып төшмәскә ярдәм итә. Ләкин аларга гына да ышанып бетеп булмый, – ди егет.

19 ел Казанда гомер иткән Станислав Лежанский бирегә ярышыр өчен түгел, буыннар яздыру өчен килгән. 42 яшьлек альпинист гомеренең 30 елын тауларга багышлаган.

– 12 яшемдә мине тәрбиягә альпинист алды. Шуңа күрә «нинди спорт белән шөгыльләним икән?» дип сайлау мөмкинлегем булмады. Үз гомеремдә менгән иң биек тау – Кабардино-Балкариядәге Дыхтау. Биеклеге – 5204 метр. Тауларның җирдә йөргән бөҗәгенә кадәр яратам. Иң биек ноктада чәй эчүләрнең рәхәтлеген әйтеп бетергесез. Таулар куркыныч булуы, анда менү һәркемнең дә кулыннан килмәве белән кызыктыра. Ничектер, тормыш белән бәхәскә керәсең кебек, – ди альпинист.

Станислав сүзләренчә, илдә иң көчле альпинизм мәктәбе Советлар Союзыныкы булган. Әле дә Россия беренчелектә бара.
– АКШ, Канада, Европа альпинизмы акчага корылган. Акчаңны гына түлә – чемоданнарың белән, комфортлы шартларда тау башына алып менгезеп куялар. Ә бездә аның кадәр акча юк. Шуңа да, телисеңме-теләмисеңме, тауга үзеңә менәргә туры килә, – дип елмая ул.

Мондый спорт кызлар өчен түгел дип уйласак та, 36 катнашучы арасында сигез кыз да бар иде. Казан кызы Лилия Насыйрова да альпинизм белән 2003 елдан бирле шөгыльләнә.

– Без студент вакытта йөгерү, чаңгы кебек спорт төрләре алга китмәгән иде әле. УНИКС спорт залында альпинистлар өчен секция ачылды да, без кызлар белән шунда киттек. Дөрес, хәзер кызлардан бер мин генә калдым инде. Иң беренче чиратта альпинизм – тауларга менү мөмкинлеге белән кызыксындыра. тау башына бер менсәң, гомерлек гашыйк буласың. Ике ел элек Эльбруска мендем. Ни дисәң дә, бу иң матур, иң романтик спорт төре, – ди Лилия Насыйрова.
Киләчәктә альпинизмның бу төре кышкы Олимпия уеннарына да кертелергә мөмкин.

Татар-информ /Рамил Гали фотолары

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 21 апрель 2018 - 08:56
    Янгын чыга калса, ничек исән калырга?
    Кемеровода булган фаҗигадән соң күпләр яшәеш мәгънәсе турында уйлана, ваемсызлыктан арынып, тормышы иминлеге турында кайгырта башлады. Безнең өчен бу бер гыйбрәт булды.
    90
    0
    0
  • 13 март 2018 - 14:23
    Интернетта Хәния Фәрхинең гаиләсендәге вакыйгага бәйле ВИДЕО пәйда булды 2016 елның җәендә Хәния Фәрхинең кызы Алсу 18 яшендә кияүгә чыккан иде.
    13273
    1
    33
  • 13 март 2018 - 13:11
    «Ни хакым бар минем яшәргә?!» «Ун ел гомеремне заяга уздырдым, - дип уфтанып башлады Айдар сүзен. - Тамагымнан ризык үтмәде, кулым эшкә бармады. Бер караганда гаебем дә юк кебек, әмма дүрт-биш айлык сабыйны көпә-көндез пуля белән тишкән адәмнең җирдә яшәргә ни хакы бар соң?!»
    1057
    0
    5
  • 13 март 2018 - 10:52
    Сайлау көнне рәхәтләнеп бәйрәм итәчәкбез Казанда 2018 елның 1 гыйнварына 906 мең 586 сайлаучы исәпләнә. Россия Федерациясе Президентын сайлаулар көнне, ягъни 18 мартта 450 сайлау участогы эшләячәк. «Эшлекле дүшәмбе»дә сайлау көнен ничек итеп бәйрәмгә әйләндерү турында сөйләштеләр.
    479
    0
    0
Ночной режим