Кабак эчендә ат ите белән яшелчәләр

Итне табада кыздырып, әз генә кайнаган су салып, тоз, борыч сибеп,
пешереп алабыз. Бәрәңге, кишер, помидор, татлы борыч, баклажан,
суганны  турыйбыз һәм шулпа яки кайнаган су салып, пешереп алабыз,
тоз, борыч сибәбез.
Кабакның эченә тоз, борыч сөртәбез, әзер эчлекне салып, өстенә
капкачын каплап пешерергә куябыз. Минеке уртача температурада 2
сәгать пеште.
                                                                                            Лариса Шәвәлиева,
                                                                                            Әтнә.