#Язмалар 13 мая 2022, 09:37 Уку өчен 2 минут

Казанлылар кайсы ишегалларын төзекләндерергә тели?

13 мая 2022, 09:37

Уку өчен 2 минут

Казанның 20 мең кешесе киләсе елда нинди җәмәгать киңлекләре төзекләндереләчәген сайлаган инде. Өстенлекле ишегалларын, паркларны һәм скверларны билгеләү өчен тавыш бирү 30 нчы майга кадәр дәвам итәчәк. Республика халкы «Безнең ишегалды» президент программасы буенча төзекләндереләчәк 200 ишегалдын сайлый ала. Ишегалларын яхшырту эшләрен 2023 елның көзенә төгәлләргә планлаштыралар.

Скопировать ссылку

Казанлылар кайсы ишегалларын төзекләндерергә тели?

Моннан тыш, татарстанлыларның сораштыруда катнашу һәм киләсе елда төзекләндерелергә тиешле паркларны, скверларны, яр буйларын сайлап алу мөмкинлеге бар. Тавыш бирүдә 204 җәмәгать киңлеге катнаша – аларның 27 се Казанда урнашкан. Алардан тыш, үз вариантыңны да тәкъдим итәргә була. Тавыш бирү «Торак һәм шәһәр мохите» илкүләм проекты саналган «Уңайлы шәһәр тирәлеген формалаштыру» федераль проекты кысаларында үткәрелә.

14 яшь һәм аннан өлкәнрәк булган барлык теләүчеләр, сылтама буенча узып, сораштыруда катнаша алалар.

Исегезгә төшерәбез, парклар, скверлар, яр буйлары һәм ишегаллары өчен тавыш бирү 15 нче апрельдә башланды. 29 нчы апрельгә булган мәгълүматларга караганда, тавыш бирүдә Татарстанның 120 мең кешесе катнашкан, шуларның 20 меңе – казанлылар, дип хәбәр итә ТР Төзелеш, архитектура һәм торак-коммуналь хуҗалык министрлыгы матбугат хезмәте.

Моңа кадәр Казан Мэры Илсур Метшин хәбәр иткәнчә, «Безнең ишегалды» программасын тормышка ашыру өчен быел Казанга өстәмә рәвештә 500 млн сум акча бүлеп биреләчәк. 2021 елда шәһәрдә 430 йортның 227 ишегалды территориясе төзекләндерелгән. Яхшыру 100 меңгә якын кешегә кагылган.

Чыганак: kzn.ru

Кызыклы яңалыкларны күзәтеп бару өчен Вконтактега кушылыгыз.